गोरखा । गण्डकी प्रदेशका मुख्यमन्त्री सुरेन्द्रराज पाण्डेले आफुलाई सलामी नदिन र जिल्ला आउँदा नाकामा लिन नआउन अनुरोध गरेका छन् ।
बिहिवार लमजुङमा कार्यालय प्रमुखहरुसँगको भेटघाटका क्रममा उनले भने ‘यो सालमी दिने परम्परा पहिले थियो होला, अब यसलाई बदल्नुपर्छ, मलाई सलामी कहिँकतै नदिनुहोला, यहाँबाट सबैलाई भन्न चाहान्छु ।’
साथै मुख्यमन्त्री पाण्डेले जिल्ला आएका समयमा प्रमुख जिल्ला अधिकारी, सुरक्षा निकायका प्रमुखहरु नाकामा स्वागत गर्न जाने, लिन जाने परम्परा पनि हटाउन सुझाब दिए । ‘जनताको काम छाडेर मलाई नाकामा लिन नआउनु’ उनले भने ‘तपाईहरुको स्वागत सत्कारलाई अन्यथा भन्न खोजेको होईन, तर त्यहाँसम्म जाँदा खर्च हुने समय, राज्यको साधन स्रोतको ख्याल गरौँ ।’ जिल्लामा आउने कार्यक्रममै भेटघाट हुने भन्दै उनले सबै जिल्लालाई यो सन्देश दिएका हुन् ।
जिल्ला गएका बेला मुख्यमन्त्रीलाई जिल्ला प्रशासन कार्यालयमा प्रहरीले सलामीदिने गर्छ । प्रमुख जिल्ला अधिकारी सहित सुरक्षा निकायका प्रमुखहरु जिल्ला भित्रने नाकामा स्वागतकालागि पुग्ने गर्छन । मुख्यमन्त्री पाण्डेले सलामी, स्वागत, सत्कार भन्दा जनताको समस्यामा ध्यान केन्द्रित गर्न सबै कर्मचारीलाई निर्देशन दिए ।
नागरिकलाई सहज सेवा दिन मालपोत, नापी, प्रशासन लगायतका कार्यालयले टाईकार्ड लागुगर्दा सहज हुने उनले बताए । ‘जनतालाई शुसासन महशुस हुने गरी तपाईहरुले काम गर्नुहोला’ मुख्यमन्त्री पाण्डेले भने ‘हाम्रा कमिकमजोरीले अहिलेको ब्यवस्थामाथि खतरा उत्पन्न हुन दिन हुँदैन ।’ ठेक्का लागेर पुरा हुन नसकेका योजना सम्पन्न गर्न गम्भिर भएर लाग्न उनले जिल्लाका सरोकारवालालाई निर्देशन दिए ।
लमजुङका प्रमुख जिल्ला अधिकारी रामकृष्ण अधिकारीले जिल्लाको बस्तुस्थिती र समस्याका बारेमा मुख्यमन्त्री समक्ष जानकारी गराएका थिए । समस्या सुनेपछि मुख्यमन्त्री पाण्डेले प्रदेश सरकारको साधन स्रोत र क्षमताले भ्याएसम्म सहयोग गर्ने बताए ।
गोरखा । डिभिजन वन कार्यालय, गोरखाको वार्षिक स्वीकृत कार्यक्रमअन्तर्गत सिमसार संरक्षण तथा व्यवस्थापन योजनाअनुसार अजिरकोट…
पोखरा, २० जेठ । पोखरा अन्तर्राष्ट्रिय विमानस्थलबाट नियमित अन्तर्राष्ट्रिय व्यावसायिक उडान सञ्चालन गर्ने तयारीले नयाँ…
गोरखा। गुड नेवर्स इन्टरनेशनल नेपालको आर्थिक तथा पद्धति विकास सेवा केन्द्र, गोरखाको साझेदारीमा सञ्चालित एकीकृत…
गोरखा। प्रदेश अस्पताल गोरखा र गोरखा नगरपालिकाको संयुक्त आयोजनामा प्रदेश अस्पताल गोरखामा आयुर्वेद थेरापी कक्षको…
गोरखा । गोरखाका दुई स्वास्थ्य संस्थामा आधुनिक स्वास्थ्य परीक्षण सेवा विस्तारका लागि करिब ८० लाख…
गोरखा । गोरखा नगरपालिका–१२ को १० किलोस्थित अढाईगाउँ खेलमैदानमा सम्पन्न चौथो राइजिङ स्टार कप फुटबल…