गोरखा ।
गोरखा जेसीजले जेसीज सप्ताहको तेस्रो दिन मंगलबार (भाद्र ३ गते) गोरखाको सिरानचोक गाउँपालिका–५ स्थित श्री मण्डली माध्यामिक विद्यालयमा शैक्षिक सामग्री वितरण कार्यक्रम सम्पन्न गरेको छ ।
सिरानचोक गाउँपालिकाको अध्ययनअनुसार अति आवश्यक विद्यालयमा अध्यापन गर्ने गरिब तथा जेहेन्दार ३४ जना विद्यार्थीलाई झोला, कापी लगायतका शैक्षिक सामग्री वितरण गरिएको कार्यक्रम संयोजक जेसी सन्दिप बयालकोटीले जानकारी दिए ।
शाखाका अध्यक्ष जेसी सुमन गुरुङको अध्यक्षतामा भएको उक्त कार्यक्रममा सिरानचोक गाउँपालिकाका अध्यक्ष ज्ञानेन्द्र गुरुङ प्रमुख अतिथि रहेका थिए । कार्यक्रममा गोरखा जेसीजका पूर्व अध्यक्ष प्रविन वस्नेतको समेत सहभागिता रहेको थियो ।
सोही दिन गोरखा जेसीजले सिरानचोक गाउँपालिकालाई खेलकुद सामग्री समेत हस्तान्तरण गरेको छ । खेलकुद सामग्री गाउँपालिकाका प्रमुख प्रशासकीय अधिकृत ठाकुर प्रसाद अर्याललाई औपचारिक रूपमा हस्तान्तरण गरिएको शाखा अध्यक्ष गुरुङले बताए ।
कार्यक्रम उद्घाटन गर्दै प्रमुख अतिथि अध्यक्ष ज्ञानेन्द्र गुरुङले गोरखाको समृद्धि र विकासमा सबैले हातेमालो गरेर अघि बढ्नुपर्ने आवश्यकता औंल्याए । उनले शिक्षा, स्वास्थ्य र खेलकुद जस्ता क्षेत्रलाई समेटेर जेसीजले सप्ताह मनाउनु सराहनीय कार्य भएको उल्लेख गर्दै गोरखामा उदाहरणीय काम गर्ने संस्थाहरूलाई गाउँपालिकाले सधैं सहयोग गर्ने प्रतिबद्धता व्यक्त गरे ।
जेसीज सप्ताह अन्तर्गत आगामी कार्यक्रमहरूमा भाद्र ४ गते स्वास्थ्य शिविर, ५ गते जेसीज संरचना सरसफाई तथा जिल्ला अस्पताल गोरखामा फलफूल वितरण, ६ गते वक्तृत्वकला प्रतियोगिता, ७ गते सुस्त गतिमा मोटरसाइकल तथा स्कुटर चलाउने प्रतियोगिता र सोही दिन समापन समारोह आयोजना गरिने जानकारी अध्यक्ष गुरुङले दिए ।
साविक विजेता अर्जेन्टिना फिफा विश्वकप २०२६ को राउन्ड अफ ३२ मा केप भर्डेमाथि संघर्षपूर्ण ३–२…
धनगढीबाट बैतडीतर्फ जाँदै गरेको यात्रुबाहक बस शुक्रबार अपराह्न बैतडीमा दुर्घटना भएको छ। सुपप्र ०१–००१ ख…
गोरखा, असार १९ । गोरखा नगरपालिका–१० छेपेटारस्थित महादेवटारी क्षेत्रमा गत वर्ष फेला परेको पुरातात्विक भग्नावशेष…
गोरखा प्रहरीले सवारीसाधनमा जडान गरिएको कालो सिसा र कालो स्टिकर हटाउने अभियान सञ्चालन गर्दै २४…
प्रहरी सहायक निरीक्षक (असई) थमन विकको हत्या प्रकरणमा उच्च अदालत जनकपुरले प्रतिनिधिसभाका पूर्वसांसद लक्ष्मी महतो…
दैलेखको चामुण्डाबिन्द्रासैनी नगरपालिका–७ अन्तर्गत कर्णाली राजमार्गको साङ्गेतडा नजिक सुर्खेतबाट कालिकोटतर्फ जाँदै गरेको कप्र ०२–००१ ख…