नेपालले आइसिसी यू१९ विश्वकप एसिया क्षेत्र छनोटको अन्तिम खेलमा युएईलाई विश्वकपमा पुग्न १ सय ९२ रनको मध्यम लक्ष्य दिएको छ।
युएईको आजमानस्थित इडेन गार्डेन ओभलमा टस हारेर पहिला ब्याटिङ गरेको नेपालले ४८. ५ ओभरमा अलआउट हुँदै १ सय ९१ रन बनायो।
नेपालका लागि कप्तान देव खनालले सर्वाधिक ५१ रन बनाए। ८४ बल खेलेका उनले ३ चौका र १ छक्का प्रहार गरे। देव बाहेक अन्य कुनै पनि ब्याटरले राम्रो प्रदर्शन गर्न सकेनन् ।
एक समय १९–३ को अवस्थामा पुगेको नेपाललाई चौथो विकेटका लागि उत्तम थापामगर र देव खनालले ८४ रनको उत्कृष्ट साझेदारी गर्दै खेलमा फर्काएका थिए। ३६ रन बनाएर उत्तम एलबीडब्लूको धरापमा परे।
उत्तमले ४८ बलमा ३ चौका र १ छक्का प्रहार गरेका थिए।
खराब सुरूआत गरेको नेपालले पहिलो ओभरको पहिलो बलमै ओपनर दीपक बोहरालाई रोयल डक गुमाएको थियो।
यस्तै चौथो ओभरको पाँचौं बलमा नेपालका अर्का ओपनर अर्जुन कुमाल व्यक्तिगत तीन रनमा आउट भए।
यस्तै आकाश त्रिपाठीले ९ रन बनाउँदा विशाल बिक्रम केसीलेले ५० बलमा ५ चौकासहित ३८ रन बनाए।
यस्तै मिलन बोहरा २१ बलमा १ चौकासहित १० रन बनाउँदा हेमन्त धामी १३ रनमा आउट भए। दीपेश कँडेल १५ रनमा आउट भएका थिए।
युएईका लागि ध्रुव परासरले ३ तथा कप्तान आयन खान र हरितहर्ष सिट्ठीले २-२ विकेट लिए।
यस खेलमा विजयी हुने टोली आगमी वर्ष श्रीलंकामा हुने यू१९ विश्वकप खेल्न पाउनेछ।
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…
गोरखा । गोरखाको पालुङटार नगरपालिका–२ भण्डारी चौतारो स्थित सार्वजनिक बाटोमा डाँका चोरी गरेको आरोपमा प्रहरीले…
२०८३ साउन २५ । काठमाडौं । प्रधानमन्त्री वालेन्द्र शाहसँग नेपालका लागि भारतका राजदूत महामहिम नवीन…
काठमाडौं । बाँदर र बँदेलबाट कृषि बालीमा भइरहेको क्षति न्यूनीकरणका लागि एकीकृत राष्ट्रिय कार्ययोजना बनाउन…
२०८३ साउन २५। गोरखा । प्रदेश अस्पताल गोरखाले विशेषज्ञ स्वास्थ्य सेवा विस्तार गर्दै अस्पताललाई १००…
गोरखा। गण्डकी प्रदेशका सांसद तथा नेपाल समाजवादी पार्टी (नयाँ शक्ति) का नेता फणिन्द्र देवकोटाले गोरखा…