गोरखा, ९ जेठ २०८० । पालुङटारको ठाडीपोखरी देखि मसानेठानी सम्मको सडकखण्डको जिम्मा लिएका ठेकेदारलाई कारवाहीका माग गर्दै स्थानीयहरुद्धारा जिल्ला प्रशासन कार्यालयमा धर्ना दिएका छन् । मध्यपहाडी लोकमार्ग अन्तरगत सो सडकखण्डको काम ठेकेदारको लापरवाहीका कारण अलपत्र परेको भन्दै स्थानीयद्धारा मंगलबार जिल्ला प्रशासन कार्यालयमा धर्ना दिएका हुन् ।
ठेकेदारलाई लापरवाहीका कारण वर्षो देखि ठाडीपोखरी देखि मसानेठाडी सम्मको सडकको काम हुन नसकेकाले प्रशासनमा आएर धर्ना दिनुपरेको स्थानीय कमल पोखरेलले बताए । यस अघि वन जंगलका बहाना देखिउदै काम रोक्दै आएका थिए । अहिले सो सडकखण्डमा पर्ने सबै रुख कटान गरिसकेको भएता पनि अहिले सम्म सडकको काम भने अघि बढ्न सकेको छैन । अहिले सो सडक एम्बलुेन्स समेत जान नसक्ने अवस्था रहेको बताउदै ठेकेदारले समयमै काम नगरी दिदा स्थानीयहरु वर्षौ देखि हिलाम्य र धुलाम्य भएर हिडनुपरेको उनले बताए ।
ठाडीपोखरी देखि मसानेठानीको सडकखण्डमा काम अलपत्र गर्ने ठेकेदार पटक पटक म्याद थप गरी पैसा कमाउने गरेको तर जनता धुलो खान बाध्य भएको पानपा ४ लुइटेलका नारायण श्रेष्ठले बताए । राजनीतिक दलको आडमा ठेकेदार विकास निर्माणका कार्यको ठेक्का लिने तर सबै अलपत्र अवस्थामा छोड्ने गर्दा जनता सास्ती खेप्नुपरेको बताए ।
पानपा वडा नं ५ का वडा सदस्य सिता सेन्चुरीले ठेकेदारको लापरवाहीका कारण जताजतै सडक खन्ने काम हुदा केहि घर पहिरोको जोखिममा परेको बताइन् । जताजतै सडक अलपत्र छोडिदिदा बाटो वरिपरिको घरमा भल पस्ने, धुलाम्य हुने गरेको उनले बताइन् ।
पुर्व प्रदेश संसद हरिशरण आचार्यले ४ वर्षको अवधिमा दुई पटक म्याद थप भएर तेस्रो पटकका समय सकिन लाग्दा पनि काम २५ प्रतिशत भन्दा अघि बढ्न नसक्नु लाजमर्दो भएको बताए । काम नगर्ने ठेकेदारलाई कारवाहीको प्रक्रिया अगाडि बढाइनुपर्ने उनले बताए ।
प्रमुख जिल्ला अधिकारी दिनेशसागर भुसालले आउदो आइतबार सो सडकखण्डको निर्माण जिम्मा लिएको कम्पनीको ठेकेदार, पालुटार नगरपालिकाका जनप्रतिनि लगायतका स्थानीयको उपस्थितिमा छलफल कार्यक्रम राखिएको बताए ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…