गोरखा, माघ १३ । नेपाल रेडक्रस सोसाईटी जिल्ला शाखा गोरखाको २७ औं जिल्ला सभा तथा अधिवेशन सुरु भएको छ । शनिबार जिल्ला समन्वय समिति गोरखाको सभाहलमा जिल्ला सभा तथा अधिवेसन सुरु भएको हो ।
नेपाल रेडक्रस सोसाईटी जिल्ला शाखा गोरखाका सभापति यदु विलास भट्टराईको अध्यक्षतामा तथा जिल्ला समन्वय समिति गोरखाका प्रमुख मोहन बहादुर थापा मगरको प्रमुख आतिथ्यतामा संचालन भएको कार्यक्रममा गण्डकी प्रदेश सभा सदस्य दिनेश अर्यालको उपस्थिति रहेको थियो।
जिल्ला सभा तथा अधिवेशनको जिल्ला समन्वय समिती गोरखाका प्रमुख मोहन बहादुर थापा मगरले उद्घाटन गरेका थिए । उद्घाटन कार्यक्रममा बोल्दै थापाले नेपाल रेडक्रस सोईटी गोरखाले स्थापना काल देखि बिपदका बेला मानव सेवामा समेत राम्रो काम गर्दै आएको तर बर्तमान समयमा विभिन्न समाचारहरुमा नेपाल रेडक्रस सोसाईटीको नकारात्मक समाचारहरु आईरहेको प्रति गम्भिर ध्यानाकर्षण भएको र नेपाल रेडक्रस सोईटी गोरखा शाखाले विश्वास गुमाउदै गएको बताए ।
उनले आगामी दिनमा पनि जिल्लामा रेडक्रसलाई सक्रिय बनाउन सबैको एकता हुने खालको वातावरण तयार गरि सर्वसम्मत नेतृत्व चयन गर्न आग्रह गरे । उनले मानव सेवाका लागि गैरराजनीतीक तरिकाले काम गर्न समेत सबैमा आग्रह गरे ।
नेपाल रेडक्रम सोसाईटी गोरखा शाखाका सभापती यदु विलास भट्टराईले आफ्नो कार्यकालमा रेडक्रसको संस्थागत तथा अन्य भौतिक विकासमा समेत राम्रो काम भएको बताए । उनले जिल्ला शाखाको ब्लड बैंकको सुरुवात तथा अन्य प्राकृतीक विपदका घटनामा राहत तथा पुर्नरस्थपनाका कार्यमा समेत उपलब्धी मुलक काम गरेको बताए । साथै सभापती भट्टराईले जिल्लामा चलेको नकरात्मक समाचार प्रति खण्डन गर्दै हामी प्रत्यक्ष सहभागिहरुले देखेको घट्नालाई बाहिरको व्यक्तिहरुले भनेको भनाईलाई नै आधिकारीक मानेर नकारात्मक समाचार तथा जानकारी फैलाएको प्रति दुख व्यक्त गरे । उनले गोरखा शाखामा आर्थिक अभावका कारण कर्मचारीहरुलाई तलवको विषयमा भएको सामान्य विवादलाई हानाहान भएको खबर समाचारमा सुन्दा मानव सेवाका लागि बनेको रेडक्रसको बदनाम गर्न तथा विश्वासको कमी गराउन राजनीतिकरण भएको बताए ।
रेडक्रसको जिल्ला नेतृत्व चयनका लागि शनिबार देखि नै बन्दसत्र सुरु भएको छ । रेडक्रसले आइतबार सम्म नयाँ नेतृत्व चयन गरिसक्ने जनाइएको छ । अधिवेशनको उद्घाटन समारोहमा आएका प्रमुख अतिथी र अतिथीहरुलाई मायाको चिनो समेत प्रदान गरिएको थियो ।
मानव कल्याणका लागि काम गर्दै आएको नेपाल रेडक्रस सोसाईटी २०२९ साल माघ ४ गते गोरखामा स्थापना गरिएको थियो । त्यस यता जिल्लामा नेपाल रेडक्रस सोसाईटी गोरखा शाखाले प्राकृतिक विपदका साथै मानविय घटनाहरुमा राहत तथा उद्धारको कार्यमा समेत काम गर्दै आई रहेको छ ।
महामानव जाँ हेनरी ड्युनाले ई.सं. १८६३ अक्टोवर २० मा मानव कल्याणको लागि केही गर्नुपर्छ भन्ने सोचका साथ रेडक्रस संस्था स्थापना गरेका थिए । अन्तर्राष्ट्रिय रेडक्रस विश्वका एक सय ९२ राष्ट्रमा फैलिरहेको छ ।
अन्तर्राष्ट्रिय रेडक्रस स्थापनाको ठीक एक सय वर्ष पछाडि वि.सं. २०२० भाद्र १९ गते नेपालमा रेडक्रसको स्थापना गरिएको थियो ।
गोरखा । ऐतिहासिक तथा आध्यात्मिक महत्व बोकेको गोरखा पुनः राष्ट्रिय चेतना जागरणको केन्द्र बन्ने दिशामा…
गोरखा । गोरखा जेसीजद्वारा आयोजित दोस्रो गोरखा जेसीज फुटसल प्रतियोगिता २०२६ सफलतापूर्वक सम्पन्न भएको छ।…
गोरखा । नयाँ वर्ष २०८३ लाई लक्षित गर्दै गोरखा सदरमुकाममा ‘तेस्रो रैथाने खाना तथा सडक…
गोरखा । गोरखामा आगामी वैशाख ३ गतेदेखि दोस्रो अन्तरपालिका उप–मेयर भलिबल प्रतियोगिता हुने भएको छ।…
चैत १९ गतेदेखि सञ्चालन हुने २०८२ सालको माध्यमिक शिक्षा परीक्षा एसईईमा यस वर्ष गण्डकी प्रदेशमा…
गोरखा । गोरखा जेसीज गोरखाले युवाहरूको नेतृत्व विकास, खेलकुद प्रवर्द्धन र सामाजिक सशक्तीकरणलाई लक्षित गर्दै…