गोरखा, फागुन १४। यही फागुन १६ गते देखि गोरखा जिल्लाका एघार पालिकाका १६ हजार ९ सय ८० जना बालबालिकालाई दादुरा–रुबेलाविरुद्धको खोप लगाउन सम्पूर्ण तयारी पूरा भएको जिल्ला स्वास्थ्य कार्यालय गोरखाले जनाएको छ ।
गोरखा जिल्ला भर फागुन १६ गते देखि २२ गते सम्म दादुरा–रुबेलाविरुद्धको खोप अभियान सुरु गरिने भएता पनि प्रदेशस्तरमा आजै देखि अभियानको सुरुवात गरेको अवसरमा गोरखामा पनि प्रतिकको रुपमा सदरमुकाम स्थित गोरखा जिल्ला अस्पतालको खोप केन्द्रमा ९ महिना पुरा भई ५ बर्ष भित्रका केही शिशुहरुलाई खोप लगाई जनचेतनाका लागि आजको दिन खोप लगाइएको जिल्ला स्वास्थ्य कार्यालय गोरखाका खोप शाखा निरिक्षक नानीबाबु दानीले बताए ।
खोप सञ्चालन गर्न जिल्लाका एघार पालिकामा दुई सय ६७ खोप केन्द्र स्थापना गरिएको छ भने खोप कार्यक्रम सञ्चालन गर्न दुई सय ६७ जना स्वास्थ्यकर्मी र पाँच सय ३८ स्वयंसेवक परिचालन गरिने कार्यालयका खोप शाखा निरिक्षक दानीले बताए ।
कार्यालयका खोप शाखा निरिक्षक दानीका अनुसार यही फागुन १ गतेबाट ९ गतेसम्म भिन्न चरण गरेर जिल्लाका एघार वटै स्थानीय तहका स्वास्थ्यकर्मी तथा खोप कार्यकर्तालाई अभिमुखिकरण गरिएको थियो ।
त्यस्तै अभियानका बेला अनिवार्य दादुरा–रुबेलाको खोप लगाउन सरकारले अनुरोध गरेको छ । सन् २०२६ सम्ममा नेपालबाट दादुरा–रुबेला रोग निवारण गर्ने सरकारको लक्ष्य छ । गतवर्ष २१ जिल्लामा फैलिएको दादुराबाट एक हजार ३४९ जना संक्रमित भइ एक जनाको मृत्यु भएको थियो ।
यो संक्रमण एक व्यक्तिबाट १८ जनासम्ममा सर्नसक्ने विश्व श्वास्थ्य संगठनको भनाई रहेको छ । गर्भावस्थामा दादुरा–रुबेला संक्रमण भए शिशुमा अपांगता हुनसक्ने, मुटुमा समस्या हुने साथै शिशुको मृत्यु समेत हुनसक्ने जोखिम रहन्छ । दादुराले वाल्यवस्थामा पनि अपांगता तथा मृत्यु गराउनसक्छ । यसको निश्चित औषधि उपचार नभएकाले खोप नै संक्रमणबाट जोगिने एकमात्र उपाय भएको विश्व श्वास्थ्य संगठनले बताएको छ ।
गोरखा, साउन ६ । गोरखाको अजिरकोट गाउँपालिका–४ तालफुटेघाटस्थित दरौदी नदीमा नुहाउने क्रममा बगेर बेपत्ता भएका…
काठमाडौंको नयाँ बसपार्कस्थित होटल माउन्टेन एल्सिभामा साउन ३ गते मृत फेला परेकी २५ वर्षीया युवतीको…
गोरखा, साउन ५ । गोरखाको भीमसेन थापा गाउँपालिका–२ बगुवाका ३३ वर्षीय सागर भट्ट मृत अवस्थामा…
चितवनको इच्छाकामना गाउँपालिका–६ जलबिरेस्थित मुग्लिङ–नारायणगढ सडकखण्डमा आइतबार बिहान दुई बस र एक ट्रक एकापसमा ठोक्किँदा…
पर्साको पकहामैनपुर गाउँपालिका–१ स्थित सीमावर्ती क्षेत्रमा धान रोपिरहेका बेला चट्याङ पर्दा सात जना महिला घाइते…
रुपन्देहीको ओमसतिया गाउँपालिका–२ सरस्वती टोलस्थित सिद्धार्थ राजमार्गमा माइक्रोबस दुर्घटना हुँदा एक जनाको मृत्यु भएको छ…