२०८१ जेठ ९ गते
गोरखा । गोरखामा जेठ १३ गतेदेखि २६ गते सम्म बालबालिकालाई पोलियोविरुद्धको आईपीभी खोप अभियान सञ्चालन हुने भएको छ । अभियानमार्फत करिब ८ हजार ५३९ बालबालिकालाई पोलियोविरुद्धको खोप लगाइने स्वास्थ्य कार्यालय गोरखाले जनाएको छ ।
कार्यालयका अनुसार खोप अभियान अन्तर्गत जिल्लाका ८ हजार ५३९ जना बालबालिकालाई आईपीभी खोप लगाइनेछ । २०७३ देखि २०७५ सम्म जन्मेका र उक्त अवधिमा नियमित पोलियो खोप लगाउन छुटेका बालबालिकालाई यो खोप लगाउने तयारी गरिएको हो ।
नेपालमा २०७३ जेठ देखि २०७५ भाद्रसम्म आईपीभी खोपको अभाव भएको थियो । स्वास्थ्य कार्यालयले खोप लगाउन गोरखामा ११ वटै पालिका भित्र २५९ वटा खोप केन्द्र निर्धारण गरिएको जनाएको छ । खोप व्यवस्थापन तथा अनुगमनका लागि १२३ जनालाई खटाइने भएको छ ।
स्वास्थ्य कार्यालयका प्रमुख यम प्रसाद शर्माले जिल्लाका ४११ वटा सामुदायिक विद्यालय र ३४ वटा निजि विद्यालयका विद्यार्थीलाई लक्षित गरि कार्यक्रम सञ्चालन गरिने बताए । खोप अभियानका लागि जिल्लास्तरको अभिमुखीकरण सकिएको र पालिकास्तरमा स्वास्थ्यकर्मीलाई खोप सम्बन्धि तालिम समेत दिइएको उनले बताए । जस्का लागि २५९ जना स्वास्थ्यकर्मी, ५९८ स्वयंसेवक, ५९८ जना शिक्षक खटाइने उनले बताए ।
नियमिततर्फ पोलियोविरुद्ध ६ हप्ता, १० हप्ता र १४ हप्ताका बालबालिकालाई मुखबाट थोपा तथा १४ हप्ता र ९ महिनासम्मका बालबालिकालाई खोप लगाइन्छ ।
सबैभन्दा बढी ५ वर्षसम्मका बालबालिका पोलियो भाइरसबाट संक्रमित हुन सक्ने भएकाले अनिवार्य रुपमा पोलियोविरुद्धको खोप लगाउनुपर्छ ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…