गोरखा | गोरखा नगरपालिका–६ स्थित अस्पताल मार्गको चालिसे चोक नजिकै एक हाईगर ईभी माइक्रोबस दुर्घटना हुँदा एक जना यात्रु घाइते भएका छन् भने एक मोबाइल पसलमा क्षति पुगेको छ।
बाग्मती प्रदेश ००६ ख ६३२२ नम्बरको माइक्रोबस गोरखा बजारबाट ध्याम्पेशालतर्फ जाँदै गर्दा चालिसे चोकमा रोकी राखेको अवस्थामा अचानक पछाडि सरेर दुर्घटना भएको हो। प्रत्यक्षदर्शीका अनुसार, माइक्रोबस ब्याक हुँदा नियन्त्रण बाहिर गइ सडकछेउमा रहेको बिकास मोबाइल सेन्टरको पसलमा ठोक्किएको थियो।
दुर्घटनाको बेला माइक्रोबसभित्र चार जना यात्रु सवार थिए। माइक्रो ब्याक हुँदै गर्दा अतालिएर हाम्फाल्ने क्रममा गोरखा नगरपालिका–३, नारेश्वरकी ४१ वर्षीया कविता तिवारी सामान्य रूपमा घाइते भएकी छन्। उनलाई तुरुन्तै गोरखा अस्पतालमा उपचार गराइएको र अवस्था सामान्य भएपछि डिस्चार्ज गरिएको जिल्ला ट्राफिक प्रहरी कार्यालय गोरखाले जनाएको छ।
दुर्घटनामा परेको सवारी साधन गोरखा दरौँदी यातायात सेवा प्रालिको भएको पुष्टि भएको छ। पसलमा कति क्षति भएको छ भन्ने विवरण भने आउन बाँकी रहेको ट्राफिक प्रहरीले जनाएको छ।
प्रहरीले घटनाबारे थप अनुसन्धान गरिरहेको छ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…