गोरखा । गोरखा जेसीजले आयोजना गरेको जेसीज सप्ताह–२०२५ शनिबार औपचारिक कार्यक्रमसहित सम्पन्न भएको छ । समापन समारोह गण्डकी प्रदेश सभा सदस्य एवं प्रमुख सचेतक नन्द प्रसाद न्यौपानेको प्रमुख आतिथ्यमा सम्पन्न भएको हो ।
समापन कार्यक्रममा गोरखा जेसीज वर्ष २०२५ का अध्यक्ष सुमन गुरुङको अध्यक्षता रहेको थियो । समापन कार्यक्रमको सञ्चालन गोरखा जेसीजका पब्लिक रिलेसन अफिसर बुद्धि जोगिले गरेका थिए ।
सप्ताहभर गोरखाका विभिन्न स्थानमा जनचेतनामूलक, शैक्षिक तथा मनोरञ्जनात्मक कार्यक्रम सञ्चालन गरिएका थिए ।
सप्ताहअन्तर्गत गोरखा नगरपालिका–५, पस्लाङ चौतारादेखि पँदेली महादेव थानसम्म खुल्ला दौड प्रतियोगिता, आरुघाट गाउँपालिका स्थित भिमोदय बहुमुखी क्याम्पसमा जनचेतनामूलक कार्यक्रम, सिरानचोक–५ छोप्राकस्थित श्री मण्डली माध्यमिक विद्यालयमा शैक्षिक सामग्री वितरण, श्री राष्ट्रिय माविमा स्वास्थ्य शिविर, श्री शक्ति माविमा हाजिरी जवाफ प्रतियोगिता तथा सुस्त गतिमा मोटरसाइकल चलाउने प्रतियोगिता सम्पन्न गरिएको थियो ।
समापन दिनको आकर्षण सुस्त गतिमा मोटरसाइकल चलाउने प्रतियोगिता रहेको थियो ।
सो प्रतियोगितामा मनोज रम्तेल प्रथम, सुदिप श्रेष्ठ द्वितीय र बुद्धि जोगि तृतीय भएका छन् । विजेताले क्रमशः फुल हेल्मेट, हाल्फ हेल्मेट, बाइक कभर तथा प्रमाणपत्र प्राप्त गरेका छन् ।
सप्ताहका संयोजक जिवन थापाले कार्यक्रममा युवा सहभागिता उच्च रहेको र यसले सामाजिक चेतनामा सकारात्मक सन्देश प्रवाह गरेको बताए ।
समापन समारोहमा जिल्ला प्रहरी कार्यालय गोरखाका प्रहरी उपरीक्षक भरत बहादुर बिक प्रमुख अतिथिका रूपमा सहभागी थिए ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…