गोरखा । गोरखामा यो वर्ष डेंगुभन्दा स्क्रब टाईफसका संक्रमित बढी फेला परेका छन्। प्रदेश जनस्वास्थ्य कार्यालय गोरखाका अनुसार साउन यता जिल्लामा २१४ जनामा संक्रमण देखिएकोमा १५० जनामा स्क्रब टाईफस र ६४ जनामा डेंगु पुष्टि भएको छ।
११ स्थानीय तह रहेको गोरखामा ६ स्थानीय तहमा दुवै रोगका बिरामी भेटिएको कार्यालयका ल्याब टेक्निसियन निरीक्षक नारायणबावु अर्यालले जानकारी दिए।
सबैभन्दा धेरै गोरखा नगरपालिकामा स्क्रब टाईफसका ५९ र डेंगुका १५ बिरामी भेटिएका छन्। त्यस्तै, आरुघाट गाउँपालिकामा दुवै रोगका १५/१५ जना संक्रमित फेला परेका छन्। भिमसेन थापा गाउँपालिकामा १६ जना डेंगु र ४२ जना स्क्रब टाईफसका बिरामी भेटिएका छन्।
यस्तै, पालुङटार नगरपालिकामा ८ जना डेंगु र ३० जना स्क्रब टाईफस, शहिद लखन गाउँपालिकामा ७ जना डेंगु र ३ जना स्क्रब टाईफस तथा अजिरकोट गाउँपालिकामा ३ जना डेंगु र १ जना स्क्रब टाईफसका बिरामी देखिएको तथ्यांकमा उल्लेख छ।
डेंगु एडिस जातको लामखुट्टेको टोकाइबाट र स्क्रब टाईफस माइट जातका किर्नाको टोकाइबाट सर्ने गर्छ। चिकित्सकहरुले यो संक्रमण कार्तिकको अन्त्यसम्म बढ्ने सम्भावना रहेकाले सतर्कता अपनाउन आग्रह गरेका छन्।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…