गोरखा । नयाँ वर्ष २०८३ लाई लक्षित गर्दै गोरखा सदरमुकाममा ‘तेस्रो रैथाने खाना तथा सडक महोत्सव’ आयोजना हुने भएको छ। गोरखा होटल संघको आयोजनामा चैत ३० गतेदेखि बैशाख १ गतेसम्म सञ्चालन हुने महोत्सवले यस वर्ष पनि स्थानीय संस्कृति, परिकार र पर्यटन प्रवर्द्धनमा विशेष भूमिका खेल्ने अपेक्षा गरिएको छ।
महोत्सवबारे जानकारी दिन आयोजित पत्रकार सम्मेलनमा संघका महासचिव सुमन श्रेष्ठले महोत्सवको मुख्य उद्देश्य गोरखाको ऐतिहासिक, धार्मिक र सांस्कृतिक पहिचानलाई उजागर गर्नुका साथै आन्तरिक तथा बाह्य पर्यटन प्रवर्द्धन गर्नु रहेको बताए। साथै, जिल्लामा उत्पादन हुने स्थानीय खाद्य परिकार तथा उत्पादनलाई बजारीकरण गर्न सहयोग पुग्ने विश्वास व्यक्त गरे।
यो महोत्सव रैथाने खाना तथा सडक महोत्सवको तेस्रो संस्करण हो। यसअघि दुई पटक सफलतापूर्वक आयोजना भइसकेको महोत्सवले स्थानीय व्यवसायी, होटल व्यवसायी तथा साना उद्यमीलाई उत्साहित बनाएको संघको भनाइ छ।
महोत्सव गोरखा बजारको रानीपोखरी परिसर, ठूलो आँगनदेखि पदेली क्षेत्रसम्मको सडकमा सञ्चालन हुनेछ। महोत्सवमा जिल्लाका सबै स्थानीय तहलाई सहभागी गराउन संघले पत्राचार गरिसकेको छ। प्रत्येक पालिकालाई आफ्ना मौलिक तथा परम्परागत परिकारसहित स्टल राख्न आग्रह गरिएको छ भने त्यस्ता स्टल निःशुल्क उपलब्ध गराइने जानकारी दिइएको छ।
रैथाने खानाका कम्तीमा १५ वटा निःशुल्क स्टल रहने र माग तथा सहभागिताका आधारमा थप स्टल विस्तार गरिने संघले जनाएको छ। महोत्सवमा स्थानीय स्तरमा उत्पादन भएका अर्गानिक खाद्य सामग्री, परम्परागत परिकार, हस्तकला तथा अन्य घरेलु उत्पादनहरू पनि प्रदर्शनी तथा बिक्रीका लागि राखिनेछन्।
संघका कार्यबाहक अध्यक्ष कृष्ण प्रसाद लामिछानेका अनुसार महोत्सवमा करिब १० हजार दर्शक सहभागी हुने अनुमान गरिएको छ। “नयाँ वर्ष मनाउन बाहिरी जिल्लामा जाने प्रवृत्तिलाई कम गर्दै गोरखामै उत्सवमय वातावरण सिर्जना गर्ने र बाहिरी जिल्लाबाट समेत पर्यटक भित्र्याउने हाम्रो लक्ष्य हो,” उनले भने।
दुई दिनसम्म चल्ने महोत्सवमा राष्ट्रिय तथा स्थानीय कलाकारहरूको सांगीतिक प्रस्तुति, सांस्कृतिक कार्यक्रम तथा नृत्य प्रतियोगिता आयोजना गरिनेछ। यसले स्थानीय कला, संस्कृति र प्रतिभालाई प्रोत्साहन गर्ने विश्वास आयोजकले लिएको छ।
महोत्सवले गोरखाको पर्यटन प्रवर्द्धन, स्थानीय अर्थतन्त्रको चलायमानता र सांस्कृतिक संरक्षणमा महत्वपूर्ण योगदान पुर्याउने अपेक्षा गरिएको छ।
गोरखा, साउन ६ । गोरखाको अजिरकोट गाउँपालिका–४ तालफुटेघाटस्थित दरौदी नदीमा नुहाउने क्रममा बगेर बेपत्ता भएका…
काठमाडौंको नयाँ बसपार्कस्थित होटल माउन्टेन एल्सिभामा साउन ३ गते मृत फेला परेकी २५ वर्षीया युवतीको…
गोरखा, साउन ५ । गोरखाको भीमसेन थापा गाउँपालिका–२ बगुवाका ३३ वर्षीय सागर भट्ट मृत अवस्थामा…
चितवनको इच्छाकामना गाउँपालिका–६ जलबिरेस्थित मुग्लिङ–नारायणगढ सडकखण्डमा आइतबार बिहान दुई बस र एक ट्रक एकापसमा ठोक्किँदा…
पर्साको पकहामैनपुर गाउँपालिका–१ स्थित सीमावर्ती क्षेत्रमा धान रोपिरहेका बेला चट्याङ पर्दा सात जना महिला घाइते…
रुपन्देहीको ओमसतिया गाउँपालिका–२ सरस्वती टोलस्थित सिद्धार्थ राजमार्गमा माइक्रोबस दुर्घटना हुँदा एक जनाको मृत्यु भएको छ…