Screenshot
ईअस्त्र समाचारदाता
सर्लाहीकी २२ वर्षीया ईशा देवकोटा अहिले अमेरिकाको टेक्ससमा फ्लाइट इन्स्ट्रक्टरका रूपमा कार्यरत छिन्। आफूले मात्र होइन, अन्य विद्यार्थीलाई समेत जहाज उडाउन प्रशिक्षण दिँदै उनले नेपाली युवापुस्ताका लागि प्रेरणादायी उदाहरण प्रस्तुत गरेकी छन्।
सन् २०२२ मा उच्च अध्ययन तथा पाइलट प्रशिक्षणका लागि अमेरिका पुगेकी ईशाले करिब ८२ हजार अमेरिकी डलर खर्च गरेर डेल्टा क्वालिफ्लाइटबाट पाइलट कोर्स सफलतापूर्वक पूरा गरेकी हुन्। अध्ययन अवधिभर उनले विभिन्न चरणका उडान प्रशिक्षण पूरा गर्दै व्यावसायिक उड्डयन क्षेत्रमा आफ्नो भविष्य निर्माण गरिरहेकी छन्।
रोचक कुरा के छ भने, ईशाको पहिलो सपना पाइलट बन्ने होइन, डाक्टर बन्ने थियो। तर कोभिड–१९ महामारीका कारण परिस्थिति परिवर्तन भएपछि उनले आफ्नो रुचि र सम्भावनालाई नयाँ दिशा दिँदै पाइलट पेशा रोजिन्। कठिन प्रशिक्षण र निरन्तर मेहनतका कारण आज उनी अमेरिकामै फ्लाइट इन्स्ट्रक्टरको जिम्मेवारी सम्हाल्न सफल भएकी छन्।
हालसम्म उनले ३२५ घन्टा उडान अनुभव हासिल गरिसकेकी छन्। टेक्ससभित्र विभिन्न ट्रायल तथा प्रशिक्षण उडानमा सक्रिय रहेकी ईशाको लक्ष्य सन् २०२७ सम्म ७०० घन्टा उडान अनुभव पूरा गर्नु रहेको छ। त्यसपछि अमेरिकाकै प्रतिष्ठित व्यावसायिक एयरलाइन्समा मुख्य पाइलटका रूपमा करिअर अघि बढाउने उनको योजना छ।
सर्लाहीबाट सुरु भएको ईशाको यात्रा अहिले अमेरिकी आकाशसम्म पुगेको छ। उनको सफलता नेपाली युवायुवतीका लागि सपना देख्न र त्यसलाई पूरा गर्न निरन्तर प्रयास गर्नुपर्छ भन्ने प्रेरणादायी सन्देश बनेको छ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…