काठमाडौंको नयाँ बसपार्कस्थित होटल माउन्टेन एल्सिभामा साउन ३ गते मृत फेला परेकी २५ वर्षीया युवतीको हत्या आरोपमा प्रहरीले दुई जनालाई पक्राउ गरेको छ। पक्राउ पर्नेमा जुम्लाको चन्दननाथ नगरपालिका–१ घर भई नेपालगन्ज बस्दै आएका ३८ वर्षीय दानबहादुर शाही र दैलेखको डुंगेश्वर गाउँपालिका–६ का २७ वर्षीय रमेश बुढा रहेका छन्।
जिल्ला प्रहरी परिसर काठमाडौंका अनुसार दुवै जनाविरुद्ध कर्तव्य ज्यानसम्बन्धी कसुरमा अनुसन्धान गर्न अदालतबाट ७ दिनको म्याद लिइएको छ।
प्रहरीको प्रारम्भिक अनुसन्धानअनुसार रमेश बुढाले हत्या गरेको स्वीकार गरेका छन्। उनले असार ३१ गते बसपार्क क्षेत्रमा भेटिएकी युवतीले होटलमा लगेर आफूलाई बाथरुममा थुनेर झोलामा रहेको एक लाख रुपैयाँ लिएर फरार भएको आरोप लगाएका छन्।
प्रहरीका अनुसार त्यसको दुई दिनपछि रमेशले ती युवतीलाई फेरि भेटेर दानबहादुर शाहीले बुक गरेको होटलको कोठा नम्बर ४०४ मा लगेका थिए। त्यहाँ पैसा फिर्ता माग्ने क्रममा विवाद भएपछि युवतीले बियरको बोतलले आक्रमण गर्न खोजेको र त्यसपछि बोतल तथा बेल्ट प्रयोग गरी हत्या गरेको बयान उनले दिएका छन्।
हत्यापछि शव पलङमुनि लुकाइएको थियो। साउन १ गते होटल छाडेपछि अन्य ग्राहक सोही कोठामा बसे पनि शवबारे थाहा पाएनन्। साउन ३ गते कोठा सफा गर्न गएका कर्मचारीले दुर्गन्ध आएपछि पलङमुनि शव फेला पारेका थिए।
सीसीटीभी फुटेज, होटलको लगबुक र अनुसन्धानका आधारमा प्रहरीले रमेश बुढालाई काठमाडौंबाट र कोठा बुक गरेका दानबहादुर शाहीलाई नेपालगन्जबाट पक्राउ गरेको हो।
प्रहरीका अनुसार हालसम्मको अनुसन्धानबाट हत्या घटनामा रमेश बुढाको प्रत्यक्ष संलग्नता देखिएको छ भने हत्या भएको कोठा दानबहादुरको नाममा बुक भएकाले उनीमाथि पनि थप अनुसन्धान भइरहेको छ।
गोरखा, साउन ५ । गोरखाको भीमसेन थापा गाउँपालिका–२ बगुवाका ३३ वर्षीय सागर भट्ट मृत अवस्थामा…
चितवनको इच्छाकामना गाउँपालिका–६ जलबिरेस्थित मुग्लिङ–नारायणगढ सडकखण्डमा आइतबार बिहान दुई बस र एक ट्रक एकापसमा ठोक्किँदा…
पर्साको पकहामैनपुर गाउँपालिका–१ स्थित सीमावर्ती क्षेत्रमा धान रोपिरहेका बेला चट्याङ पर्दा सात जना महिला घाइते…
रुपन्देहीको ओमसतिया गाउँपालिका–२ सरस्वती टोलस्थित सिद्धार्थ राजमार्गमा माइक्रोबस दुर्घटना हुँदा एक जनाको मृत्यु भएको छ…
गोरखा। गोरखाको स्याउली बजार–भट्टफाँट–मनकामना सडक अन्तर्गत निर्माण सम्पन्न भएको लुदी खोला मोटरेबल पुल उद्घाटन गरिएको…
गोरखा। गोरखाको शहीद लखन गाउँपालिका–४ ताक्लुङ, बाँझोगरामा ८५ वर्षीया दिलमाया रानाको गरगहना लुटिएको घटनामा प्रहरीले…