विराज त्रिपाठी
गोरखाको शहिदलखन गाउँपालिकाले नेपाल पत्रकार महासंघ गोरखाको भबन निर्माणकालागि दुई लाख रुपैयाँ सहयोग गरेको छ ।
शहिदलखन गाउँपालिकाका अध्यक्ष रमेशाबाबु थापा मगरले शुक्रवार मानव सेवा आश्रम गोरखामा आयोजित एक कार्यक्रमका बिच पत्रकार महासंघका अध्यक्ष नरहरि सापकोटालाई उक्त रकम हस्तान्तरण गरेका हुन् ।
पत्रकार महासंघ गोरखाले गोरखा नगरपालिका ८ आलेगाउँमा भबन निर्माण गरिरहेको छ । आर्थिक अभावका कारण भबन निर्माणको काम गत वर्षदेखि रोकिएको थियो । भबन निर्माण पुरा गर्न चालु वर्ष सबै स्थानीय तह सँग सहयोग मागिएको अध्यक्ष नरहरि सापकोटाले बताए । पत्रकार महासंघ गोरखा शाखाको भबन दोस्रो तला ठडिएको छ । अब एक तला थप र फिनिसिङको काम बाँकी छ ।
सहयोग हस्तान्तरण गर्दै शहिदलखन गाउँपालिकाका अध्यक्ष रमेशबाबु थापा मगरले सामाजिक काममा योगदान गर्नु स्थानीय सरकारको पनि दायित्व भएकाले कार्यपालिकाको सबै टिम र कर्मचारीहरु यस्ता काममा एकजुट हुने गरेको बताए । साथै उनले राम्रा काममको प्रचार प्रसार र कमजोरीलाई सुधार गर्ने गरी पत्रकारहरुले भुमिका खेलिदिएमा सहज हुने बताए । सोही क्रममा मानव सेवा आश्रमलाई दशैँ खर्च एक लाख र गोरखक्षनाथ वैद्धिक गुरुकुललाई ५० हजार नगद हस्तान्तरण गरिएको थियो ।
अहिले प्राप्त सहयोगले रोकिएको काम सुचारु हुनेछ । भबन निर्माणका लागि आर्थिक सहयोग उपलब्ध गराएकोमा अध्यक्ष सापकोटाले गाउँपालिकालाई धन्यवाद दिए । अहिले पत्रकार महासंघको कार्यालय जिल्ला प्रशासन कार्यालयसँगै गोरखा नगरपालिकाले उपलब्ध गराएको भबनबाट संचालन हुँदै आएको छ ।
सहयोग हस्तान्तरण कार्यक्रममा गाउँपालिका उपाध्यक्ष इन्दिरा तिवारी, प्रमुख प्रशासकिय अधिकृत बाबुराम मगर, वडा अध्यक्ष शरण श्रेष्ठ, गोरखा नगरपालिका ८ का अध्यक्ष ऋषि खत्री, लेखा अधिकृत सन्तोष लामिछाने लगायतको उपस्थिती रहेको थियो ।
काठमाडौंको नयाँ बसपार्कस्थित होटल माउन्टेन एल्सिभामा साउन ३ गते मृत फेला परेकी २५ वर्षीया युवतीको…
गोरखा, साउन ५ । गोरखाको भीमसेन थापा गाउँपालिका–२ बगुवाका ३३ वर्षीय सागर भट्ट मृत अवस्थामा…
चितवनको इच्छाकामना गाउँपालिका–६ जलबिरेस्थित मुग्लिङ–नारायणगढ सडकखण्डमा आइतबार बिहान दुई बस र एक ट्रक एकापसमा ठोक्किँदा…
पर्साको पकहामैनपुर गाउँपालिका–१ स्थित सीमावर्ती क्षेत्रमा धान रोपिरहेका बेला चट्याङ पर्दा सात जना महिला घाइते…
रुपन्देहीको ओमसतिया गाउँपालिका–२ सरस्वती टोलस्थित सिद्धार्थ राजमार्गमा माइक्रोबस दुर्घटना हुँदा एक जनाको मृत्यु भएको छ…
गोरखा। गोरखाको स्याउली बजार–भट्टफाँट–मनकामना सडक अन्तर्गत निर्माण सम्पन्न भएको लुदी खोला मोटरेबल पुल उद्घाटन गरिएको…