eAstra News

डोटीमा जिप दुर्घटना हुँदा २ जनाको मृत्युु भएको छ भने ६ जना घाइते भएका छन् । दिपायल बाट के.आई.सिंह गाउँपालिकाको घाटलाया जाँदै गरेको सु.प.प्र ०१२३००१ च ३३२९ नम्बरको जिप लोलीमा दुर्घटना हुँदा २ जनाको घटना स्थलमै मृत्यु भएको प्रहरीले जनाएको छ ।

जिल्ला प्रहरी कार्यालय डोटीका प्रहरी निरिक्षक लक्ष्मीराज जोशीका अनुसार मृत्यु हुनेमा के.आई.सिंह गाउँपालिका १ का जिप चालक ३६ वर्षिय गोविन्द शाहि र के.आई.सिंह गाउँपालिका २ जारिमभाडीका ४१ वर्षिय धन बहादुर तिरुवा रहेका छन् । घाइते हुनेमा के.आइ.सिंह गाउँपालिका १ डुम्राकोटका २७ वर्षिय तेज तिरुवा, उनीकि २६ वर्षिया श्रीमती राधा तिरुवा, उनकै ४ वर्षिय छोरा समिर तिरुबा, जारिमभाडिका २४ वर्षिय सुरज तिरुवा, २३ वर्षिय लक्ष्मी तिरुवा र १९ वर्षिय मिन लुहार रहेका छन् । घाइते मध्य दुई जनाको अवस्था गम्भीर रहेको छ भने अन्यको अवस्था समान्य छ । प्रहरीका अनुसार गम्भीर घाईते तेज तिरुवा र राधा तिरुवालाइ उपचारका लागि राजपुर स्थित सुजङ्ग अस्पतालमा ल्याइएको छ भने अन्य घाइते सामान्य उपचारपछि घर फर्किएका छन् । शुक्रबार राति साढे ११ बजे दुर्घटना भएको जिप सडक खण्ड बाट अन्दाजी ६० मिटर तल खसेको छ । दुर्घटनाको कारण भने खुलेको छैन ।