बिराज त्रिपाठी
साउन २० । गोरखामा आँखा पाक्ने रोगको संक्रमण दिनानुदिन बढ्दै गएको छ। पछिल्लो साता यता गोरखामा आँखा पाक्ने रोगको संक्रमण बढ्दै गएको हो। आँखा पाक्ने रोगका कारण अहिले दैनिक पचासौं संख्यामा बिरामीहरु आँखा उपचारका लागि गोरखा लायन्स आँखा सेवा केन्द्र पुग्ने गरेका छन्।
बालकदेखि वृद्धसम्ममा आँखा पाक्ने, आँखा चिलाउने, आँखाबाट आँसु बग्ने जस्ता लक्षण देखिने गरेको छ। आँखाको समस्या देखिएसँगै गोरखा लायन्स आँखा सेवा केन्द्रमा उपचारका लागि बिरामीहरु आउने गरेका छन्।
अहिले दैनिक पचास देखि सय जना बिरामीको आँखा चेकजाँच गरिरहेको र यी साता भित्र ४ सय ९३ जना मध्य करिब २९५ जना आँखा पाक्ने समस्या भएको बताउँदै गोरखा लायन्स आँखा सेवा केन्द्रका प्रमुख प्रशासकिय अधिकृत बिश्व प्रकाश अर्यालले भने, ‘सामान्य भाषामा ‘भाइरल रोग’ भनिए पनि ‘कन्जन्टिभाइटिस’ भाइरसका कारण यो रोग अहिले व्यापक रुपमा फैलिरहेको छ।’ आँखा चिलाउने, आँखा सुनिने, पाक्ने तथा आँसु बग्ने र कहिले काहीँ आँखाको नानीमा घाउ हुने समस्या पनि देखिने गरेको उनले बताए।
मानिसको सम्पर्कबाट यो रोग सर्ने गरेको बताउँदै उनले भने, ‘रोगीको सामग्री प्रयोग गर्ने, हात मिलाउने तथा मानिसको प्रत्यक्ष सम्पर्कबाट भाइरस सर्ने गर्छ। त्यसका लागि सचेतना अपनाउनु जरुरी छ।’
पछिल्लो समयमा अस्पताल पुग्ने ६० प्रतिशत बढी बिरामी आँखा पाक्ने रोगका बिरामी उपचारका लागि आउने गरेको र दिनानुदिन बढ्दै गइ रहेको उनले बताए। बच्चालाई चाँडो सन्चो हुने भए पनि युवा तथा ज्येष्ठ नागरिकलाई भने सन्चो हुन एक हप्तादेखि दुई हप्तासम्म लाग्ने गरेको उनी बताउँछन्।
यो समय भनेको आँखा पाक्ने समय भए पनि ‘कन्जन्टिभाइटिस’ भाइरस बढी सक्रिय हुने भएकाले रोग भयावह देखिएको उनले बताए। आँखाको बिरामीले दैनिक चार/पाँच पटक चिसो पानीले आँखा सफा गर्ने, आँखालाई नमिच्ने तथा चिकित्सकको सल्लाह बमोजिम औषधि प्रयोग गर्दा रोग सन्चो हुने गरेको चिकित्सकहरु बताउँछन्।
आँखा पाक्ने रोग जटिल नभए पनि चिकित्सकको सल्लाह बिनाको औषधि प्रयोग नगर्न चिकित्सकहरुले सुझाएका छन्। ‘रोग लागेपछि आँखा चेकजाँच नगरिकनै औषधी प्रयोग गर्ने, फोहोर हातले आँखा मिच्ने जस्ता कार्य गर्नु नहुने बताउदै अधिकृत अर्यालले यस गोरखा लायन्स आँखा सेवा केन्द्रमा बढीजसो बालबालिका नै उपचारका लागि आउने गरेको उनी बताउँछन्।
गोरखा। गुड नेवर्स इन्टरनेशनल नेपालको आर्थिक तथा पद्धति विकास सेवा केन्द्र, गोरखाको साझेदारीमा सञ्चालित एकीकृत…
गोरखा। प्रदेश अस्पताल गोरखा र गोरखा नगरपालिकाको संयुक्त आयोजनामा प्रदेश अस्पताल गोरखामा आयुर्वेद थेरापी कक्षको…
गोरखा । गोरखाका दुई स्वास्थ्य संस्थामा आधुनिक स्वास्थ्य परीक्षण सेवा विस्तारका लागि करिब ८० लाख…
गोरखा । गोरखा नगरपालिका–१२ को १० किलोस्थित अढाईगाउँ खेलमैदानमा सम्पन्न चौथो राइजिङ स्टार कप फुटबल…
गोरखा । गोरखाका मगर र गुरुङ समुदायमा प्रचलित ऐतिहासिक घाटु नाच यतिबेला गाउँबस्तीमा पुनः जीवन्त…
गोरखा । नेपालमा २०७२ साल वैशाख १२ गते गएको विनाशकारी भूकम्पको १० वर्ष पूरा भएको…