पोखरा । जे३० पोखरा आइटिएफ वल्र्ड टेनिस टुर सर्किट २ अन्तर्गत सिंगल्सतर्फ आरव सम्राट हाडा र शिवाली गुरुङले फाइनलमा स्थान बनाएका छन् ।
कास्की जिल्ला टेनिस संघको आयोजनामा जारी प्रतियोगिताको पाँचौ दिन आफ्नो उत्कृष्ट लयलाई कायम गर्दै फाइनलमा स्थान पक्का गरेका हुन् । नेपाली खेलाडीहरुले होम ग्राउण्डमा विश्वस्तरीय खेल प्रदर्शन गर्दै जितको लयलाई कायम मात्रै गरेनन् उनीहरु उपाधि होडमा समेत स्थान पक्का गरे ।
ब्वाइज सिंगल्सतर्फ वरियतामा नं ३ समेत रहेका आरव सम्राट हाडाले अस्ट्रेलियाका उदाउँदा खेलाडी प्रतिक नविनलाई ६–४, ६–४ को सोझो सेटमा पराजित गर्दै फाइनलमा स्थान बनाएका छन् । फाइनलमा उनको भेट भारतीय खेलाडी आश्रब्य मेहरा संग हुने पक्का भएको छ । आश्रव्यले सेमीफाइनलमा चीनका सिउयुआन गुओलाई लाई ६–४, ६–४ ले पराजित गरे । आश्रब्य सर्किट १ का उपविजेता समेत् हुन् ।
यस्तै गल्र्स सिंगल्सतर्फ सेमिफाइनलमा नेपालकी शिवाली गुरुङले शानदार खेल प्रदर्शन गर्दै भारतकी अर्जन खोरकिवालालाई ६–२, ६–४ ले पराजित गरी फाइनलमा स्थान बनाइन् । शिवालीले फाइनलमा मंगोलियाकी मार्टा चोग्सोमजाभ संग भिड्ने भएकी छन् । सेमीफाइनलको खेल चलिरहँदा भारतकी माहिका खन्ना रिटायर्ड हर्ट हुँदै मैदान छोड्नु परेको थियो । उनी मैदान छोड्नु अघि मार्टा पहिलो सेटमा ४–० ले अघि थिइन् ।
ब्वाइज डबल्स फाइनल
शुक्रबार ब्वाइज तथा गल्र्स डबल्सतर्फका फाइनल खेलहरु सम्पन्न भएका छन् । जसमा ब्वाइजतर्फ भारतीय जोडी आदित्य मोर र अधिराज ठाकुरले आफ्नै देशका आरव चावला र ओजस मेहलावतलाई ७–५, ६–२ ले पराजित गरे ।
यस्तै गल्र्स डबल्समा मार्टा चोग्सोमजाभ (मङ्गोलिया) र यिजिया झाओ (चीन) को जोडीले भारतीय जोडी दिशा बेहरा र अर्जन खोरकिवालालाई ६–२, ६–४ ले पराजित गर्दै उपाधि जिते ।
कास्की जिल्ला टेनिस संघका अनुसार भोली (शनिबार) सिंगल्सतर्फका फाइनल खेलहरु बिहान साढे ९ बजे सुरू हुने छन् । भोली हुने समापन कार्यक्रममा बिजेता खेलाडीहरुलाई मेडल वितरण गरिने छ ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…