गोरखा। गोरखा नगरपालिका-१० छेवेटारस्थित खेलमैदानमा जारी प्रथम पृथ्वीनारायण गोल्डकप फुटबल प्रतियोगिताको फाइनलमा नेपाल पुलिस क्लब र चित्लाङ फुटबल क्लबबीच प्रतिस्पर्धा हुने भएको छ।
बिहीबार भएको दोस्रो सेमिफाइनलमा भगवती क्लब टोखालाई ३–० गोल अन्तरले पराजित गर्दै चित्लाङ फाइनल पुगेको हो। चित्लाङका माटिन बावु टुन्डेले ५३ र ७६औँ मिनेटमा दुई गोल गरे भने ९०औँ मिनेटमा चेतन कुमार लिम्वुले एक गोल थपे। टुन्डे खेलको प्लेयर अफ द म्याच घोषित भए।
यसअघि बुधबार आयोजक गोरखा स्पोर्ट्स काउन्सिललाई ३–० ले हराउँदै नेपाल पुलिस क्लबले फाइनलमा स्थान बनाएको थियो।
माघ २४ गतेदेखि सुरु भएको प्रतियोगितामा ८ टिम सहभागी छन्। फाइनल खेल शनिबार छेवेटार खेलमैदानमा हुनेछ। विजेताले ८ लाख र उपविजेताले ४ लाख रुपैयाँ नगद पुरस्कार पाउने आयोजकले जनाएको
