गोरखा । पालुङटार नगरपालिका–२ मा अवस्थित ऐतिहासिक आँपपिपल अस्पताल अब गण्डकी प्रदेश सरकारको स्वामित्वमा पुगेको छ। यसअघि पालुङटार नगरपालिकाको मातहतमा सञ्चालन हुँदै आएको अस्पताललाई बिहीबार एक विशेष समारोहका बीच औपचारिक रूपमा प्रदेश सरकारलाई हस्तान्तरण गरिएको हो।
बिहीवार दिउँसो १२ बजे सम्पन्न कार्यक्रममा गण्डकी प्रदेशका मुख्यमन्त्री सुरेन्द्रराज पाण्डेले अस्पतालको स्वामित्व ग्रहण गर्दै सेवा विस्तारको पनि शुभारम्भ गरेका हुन् ।
मुख्यमन्त्री पाण्डेले कार्यक्रमको क्रममा आँपपिपल अस्पताललाई ५० शैयाको स्तरोन्नत प्रदेश अस्पतालका रूपमा विकास गरिने जानकारी दिए। उनले प्रदेश सरकार स्वास्थ्य सेवाप्रति संवेदनशील रहेको उल्लेख गर्दै अस्पतालमा विशेषज्ञ सेवासमेत नियमित रुपमा उपलब्ध गराइने प्रतिबद्धता व्यक्त गरेका छन् ।
२०१३ सालमा मिसन अस्पतालको रूपमा स्थापना भएको आँपपिपल अस्पताल २०५८ सालमा विकास समितिको जिम्मामा गएको थियो भने अघिल्लो वर्ष समितिले अस्पताल नगरपालिकालाई हस्तान्तरण गरेको थियो। कुनै समय गोरखा, लम्जुङ र तनहुँका बिरामीका लागि प्रमुख गन्तव्य बनेको यो अस्पताल पछिल्ला वर्षहरूमा सेवाको अभावमा कमजोर बन्दै गएको थियो।
स्थानीय बासिन्दाहरूले भने अब सेवा तथा सुविधा विस्तारको अपेक्षा गर्दै अस्पतालको स्तरोन्नतिमा खुसी व्यक्त गरेका छन्। पछिल्लो निर्वाचनमा अधिकांश उम्मेदवारको प्रमुख चुनावी एजेन्डा बनेको यस अस्पतालको स्तरोन्नति स्थानीयका लागि आशाको किरण बनेको छ।
गोरखा। गोरखाको चुमनुब्री गाउँपालिका–१ साम्दोस्थित दिन्द्रुक खोलामा सुक्खा पहिरो खस्दा करिब २०० मिटर लामो ताल…
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…