गोरखा । भेटेरिनरी अस्पताल तथा पशु सेवा विज्ञ केन्द्र गोरखाले दूध उत्पादन गर्ने किसानलाई प्रोत्साहन गर्न चालु आर्थिक वर्ष ०८२–०८३ का लागि १५ लाख रुपैयाँको अनुदान विनियोजन गरेको छ ।
कार्यालयका प्रमुख एवं वरिष्ठ पशु चिकित्सक डा. अनन्त कोइरालाका अनुसार सहकारीमार्फत दूध संकलन गर्ने किसानलाई प्रति लिटर ५ रुपैयाँका दरले अनुदान दिइने व्यवस्था गरिएको हो । उनका अनुसार यो कार्यक्रमले साना किसानलाई संगठित बनाउन, पशुपालन व्यवसायलाई आकर्षक बनाउन र जिल्लालाई दूधमा आत्मनिर्भर बनाउन सहयोग गर्नेछ ।
अनुदान लिन किसानले कार्यालयमा सूचीकृत दूग्ध उत्पादन सहकारीमार्फत दूध संकलन गराउनुपर्ने कार्यविधि बनाइएको छ । सहकारीमार्फत मात्र रकम वितरण हुने भएकाले किसानले संकलित दूधको प्रमाण पेश गर्नुपर्नेछ ।
गत वर्ष १० लाख रुपैयाँ विनियोजन गरिएकोमा यस वर्ष रकम बढाएर १५ लाख पुर्याइएको छ । गत आर्थिक वर्ष ०८१–०८२ मा गोरखा नगरपालिका–१४ को बुढीकोटी दुग्ध उत्पादन सहकारीले मात्र आवेदन दिएको भए पनि यसपटक सिरानचोक र पालुङटार नगरपालिकामा सहकारी स्थापना प्रक्रिया सुरु भएकाले अन्य किसानले पनि लाभ लिन सक्ने विज्ञ केन्द्रले जनाएको छ ।
पशुपन्छी तथा मत्स्य व्यवसाय प्रवद्र्वन कार्यक्रम अन्तर्गत ‘उत्पादनमा आधारित प्रोत्साहन सहयोग’ नाम दिइएको यस अनुदानमार्फत करिब ३ लाख लिटर दूधमा सहयोग पुर्याइनेछ । सहकारीले दैनिक कम्तीमा २०० लिटर दूधको कारोबार गरेको हुनुपर्ने शर्तसहित मात्र आवेदन दिन पाउने व्यवस्था गरिएको कार्यालयले जनाएको छ ।
गोरखा । ऐतिहासिक तथा आध्यात्मिक महत्व बोकेको गोरखा पुनः राष्ट्रिय चेतना जागरणको केन्द्र बन्ने दिशामा…
गोरखा । गोरखा जेसीजद्वारा आयोजित दोस्रो गोरखा जेसीज फुटसल प्रतियोगिता २०२६ सफलतापूर्वक सम्पन्न भएको छ।…
गोरखा । नयाँ वर्ष २०८३ लाई लक्षित गर्दै गोरखा सदरमुकाममा ‘तेस्रो रैथाने खाना तथा सडक…
गोरखा । गोरखामा आगामी वैशाख ३ गतेदेखि दोस्रो अन्तरपालिका उप–मेयर भलिबल प्रतियोगिता हुने भएको छ।…
चैत १९ गतेदेखि सञ्चालन हुने २०८२ सालको माध्यमिक शिक्षा परीक्षा एसईईमा यस वर्ष गण्डकी प्रदेशमा…
गोरखा । गोरखा जेसीज गोरखाले युवाहरूको नेतृत्व विकास, खेलकुद प्रवर्द्धन र सामाजिक सशक्तीकरणलाई लक्षित गर्दै…