पोखरा । ४७ सय मिटरको उचाइमा अवस्थित लोमन्थाङमा विश्वकै सबैभन्दा उच्च स्थानमा हुने चर्चित गल्फ प्रतियोगिता ‘टप अफ द वल्र्ड गल्फ क्लासिक’ को चौथो संस्करण आगामी भदौ २८ र २९ गते आयोजना हुने भएको छ।
आयोजक मुस्ताङ गल्फ कोर्सका प्रवन्ध निर्देशक इन्द्रधारा विष्टले आइतबार पत्रकार सम्मेलनमार्फत प्रतियोगिताबारे जानकारी दिँदै यस वर्ष नेपालसहित विभिन्न देशका करिब ५५ देखि ६० जना गल्फरले सहभागिता जनाउने बताए। नेपालका उत्कृष्ट ४ प्रोफेसनल गल्फरबीच छुट्टै प्रतिस्पर्धा हुने र विजेताले क्रमशः ३० हजार, २० हजार र १० हजार रुपैयाँ पुरस्कार प्राप्त गर्ने व्यवस्था गरिएको छ।
यसपटक प्रतियोगिता अघिल्ला संस्करणजस्तै ९ होलमा सीमित नभई १८ होलमा हुनेछ। सर्वाधिक चासोको विषय ‘होल इन वान’ का लागि विशेष सजावटसहितको घोडा पुरस्कार राखिएको छ, जुन विश्वकै अद्वितीय आकर्षणका रुपमा रहने आयोजकले जनाएको छ।
एम्योचरतर्फ विजेतालाई आकर्षक ट्रफी प्रदान गरिनेछ भने विजेता, उपविजेता, बेस्ट ग्रस, लेडी विजेता, सिनियर विजेता, क्लोजेस्ट टु द पिन, मस्ट बर्डिज र लङ्गेस्ट ड्राइभतर्फ छुट्टाछुट्टै पुरस्कार वितरण गरिनेछ।
‘टी फर क्लाइमेट’ भन्ने शीर्षकमा हुने प्रतियोगिताले जलवायु संकटप्रति विश्वको ध्यानाकर्षण गराउँदै वातावरणीय सचेतना फैलाउने लक्ष्य राखेको छ। कार्यक्रममा ख्यातिप्राप्त लोक, आधुनिक र सेलो कलाकारहरूको विशेष प्रस्तुति समेत रहनेछ।
प्रतियोगिता सफल बनाउन लोमन्थाङ गाउँपालिका र गण्डकी प्रदेश सरकार प्रवद्र्धकका रुपमा रहेका छन् भने प्रभु बैंक, सिटी एक्सप्रेस, बाह्रसिंगे बियर, जर्मन बेकरी, सोल्टी पानी लगायतका संस्थाले प्रायोजन गरेका छन्।
आयोजक विष्टका अनुसार, लोमन्थाङको गल्फ कोर्सलाई विश्वकै सबैभन्दा उच्च स्थानमा रहेको आकर्षक गल्फ कोर्सका रुपमा स्थापित गर्दै गिनिज बुक अफ वल्र्ड रेकर्डमा दर्ता गराउने अभियान समेत अघि बढाइएको छ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…