गोरखा । पछिल्लो केही दिनयता सामाजिक सञ्जालमा ‘नेपो किड’ (NepobabyNepal) ट्रेन्ड तीव्र बनेको छ । यसलाई मनोरञ्जनको ट्रेन्ड नभई युवापुस्ताले भ्रष्टाचारविरुद्ध चलाएको अभियानका रूपमा लिइएको छ ।
केही समय अघि फिलिपिन्समा यो अभियान सञ्चालनमा आएको थियो । जसमा फिलिपिन्सका राजनीतिज्ञ र सरकार मातहत हरका सन्तानको जीवनशैलीमाथि प्रश्न उठाएको थियो । त्यस्तै नेपालमा पनि राजनीतिक परिवारका सन्तानहरूलाई लक्षित गर्दै यो ट्रेन्ड फैलिएको हो ।
युवा पुस्ताले राजनीतिक तथा प्रभावशाली व्यक्तिहरूका सन्तानलाई लक्षित गर्दै उनीहरूको विलासी जीवनशैलीबारे प्रश्न उठाएका छन् । टिकटकमा #PoliticiansNepoBabyNepal ह्यासट्यागसहित बनाइएका भिडियोमा नेताका छोराछोरीले देखाउने महँगा गाडी, विदेशमा अध्ययन, वैभवशाली जीवनलाई करदाताको पैसामाथिको अन्यायसँग तुलना गरिएको छ ।
रेडिटमा समेत युवाले आक्रोश पोख्दै लेखेका छन्, “सामान्य युवाले रोजगारीकै लागि विदेशिनुपर्ने बाध्यता छ, तर नेताका सन्तान करदाताको पैसामा विदेशमा विलासी जीवन बिताइरहेका छन्।”
यो अभियानले प्रधानमन्त्रीदेखि मन्त्री र सांसदसम्मका सन्तानको जीवनशैलीमाथि प्रश्न उठाएको छ । कतिपय भिडियोमा भनिएको छ– “के उनीहरूले आफ्नो दक्षता र मेहनतका कारण यो जीवन पाए, वा आफ्ना बुबाआमाको भ्रष्ट शक्ति र सम्पत्तिका कारण ?”
युवाहरूले यो ट्रेन्डलाई केवल भर्चुअल प्लेटफर्ममा सीमित नराखी सडकसम्म लैजाने चेतावनी दिएका छन् । रेडिटमा भएको छलफलअनुसार सोमबार बानेश्वरसहित देशका विभिन्न स्थानमा प्रदर्शनको तयारी समेत भइरहेको छ ।
तर, यसबारे केही युवाबीच असहमति पनि छ । कतिपयले ‘अभिभावकको गल्तीका लागि छोराछोरीलाई सार्वजनिक रूपमा सजाय दिनु गलत हुने’ भन्दै यसले निजी जीवनमा नकारात्मक असर र साइबर बुलिङलाई बढावा दिन सक्ने चेतावनी दिएका छन् ।
यसरी, ‘नेपो किड’ ट्रेन्डले एकातर्फ भ्रष्टाचार र असमानताविरुद्ध युवा पुस्ताको असन्तुष्टि उजागर गरेको छ भने अर्कोतर्फ यसको सामाजिक प्रभावबारे बहस पनि सुरु भएको छ ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…