गोरखा । गोरखा जेसीज गोरखाले युवाहरूको नेतृत्व विकास, खेलकुद प्रवर्द्धन र सामाजिक सशक्तीकरणलाई लक्षित गर्दै “दोस्रो गोरखा जेसीज फुटसल प्रतियोगिता २०२६” आयोजना गर्ने भएको छ।
गोरखा नगरपालिका–९ दलभञ्ज्याङस्थित फुटसल ग्राउण्डमा चैत २० र २१ गते सञ्चालन हुने प्रतियोगितामा देशभरका विभिन्न जेसीज शाखाहरूको सहभागिता रहने अपेक्षा गरिएको छ। प्रतियोगितामार्फत युवाहरूमा अनुशासन, सहकार्य, नेतृत्व क्षमता र आत्मविश्वास अभिवृद्धि गर्ने लक्ष्य राखिएको आयोजकले जनाएको छ।
गोरखा जेसीज गोरखा वर्ष २०२६ का अध्यक्ष जेसी सुजित श्रेष्ठले प्रतियोगिताले गोरखालाई खेलकुद तथा पर्यटनको केन्द्रका रूपमा विकास गर्न सहयोग पुग्ने विश्वास व्यक्त गरे । कार्यक्रम संयोजक जेसी समीर कुँवरका अनुसार प्रतियोगिता व्यवस्थित र प्रतिस्पर्धात्मक ढंगले सञ्चालन गरिनेछ।
प्रतियोगिताको विजेता टोलीले रु. ५५ हजार नगदसहित ट्रफी र मेडल प्राप्त गर्नेछ भने उपविजेताले रु. ३५ हजारसहित ट्रफी र मेडल पाउनेछन्। साथै उत्कृष्ट खेलाडी, उत्कृष्ट गोलकिपर र सर्वाधिक गोलकर्तालाई समेत विशेष पुरस्कार प्रदान गरिनेछ।
आयोजकले प्रतियोगिता सफल बनाउन सरकारी निकाय, निजी क्षेत्र, सञ्चारमाध्यम तथा खेलप्रेमीहरूलाई सहयोग र सहभागिताका लागि आग्रह गरेको छ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…