गोरखा ।
गोरखाका दुई स्वास्थ्य संस्थामा आधुनिक स्वास्थ्य परीक्षण सेवा विस्तारका लागि करिब ८० लाख रुपैयाँ बराबरका उपकरण उपलब्ध गराइएको छ । सम्भव नेपालका संस्थापक अध्यक्ष प्रेमकुमार खत्रीको पहलमा गोरखा नगरपालिका–२ ताप्लेस्थित कोखेआहाले शहरी स्वास्थ्य केन्द्र र भिमसेन थापा गाउँपालिका–६ अश्राङस्थित शहिदस्मृति आधारभूत अस्पतालमा प्रयोगशालासम्बन्धी उपकरण हस्तान्तरण गरिएको हो ।
सम्भव नेपालका कार्यक्रम व्यवस्थापक उत्तम अधिकारीका अनुसार ग्रामीण क्षेत्रमै गुणस्तरीय स्वास्थ्य सेवा पुर्याउने उद्देश्यसहित अत्याधुनिक उपकरण उपलब्ध गराइएको हो ।
अश्राङस्थित अस्पतालले अब डिजिटल एक्स–रे, भिडिओ एक्स–रे, ईसीजी मेसिन तथा फ्रिज लगायतका उपकरणबाट सेवा दिन सक्ने भएको छ । यस्तै, कोखेआहाले स्वास्थ्य केन्द्रमा प्रयोगशाला सञ्चालनका लागि आइएलआर मेसिन, यूएसजी मेसिन, इलेक्ट्रिक एनालाइजर र माइक्रोस्कोप जडान गरिने भएको छ ।
उपकरण उपलब्ध भएसँगै स्थानीय नागरिकले सामान्य स्वास्थ्य परीक्षणका लागि जिल्ला सदरमुकाम, चितवन वा काठमाडौं धाउनुपर्ने बाध्यता कम हुने अपेक्षा गरिएको छ ।
बुधबार आयोजित कार्यक्रममा खत्रीले सम्बन्धित स्थानीय तह र स्वास्थ्य संस्थालाई उपकरण हस्तान्तरण गरेका हुन् । कोखेआहालेमा आयोजित कार्यक्रममा गोरखा नगरपालिकाका मेयर कृष्णबहादुर राना, उपमेयर सपना पुन, वडाध्यक्ष रहमतुल्ला मियाँ लगायत सहभागी थिए भने अश्राङमा भिमसेनथापा गाउँपालिकाका अध्यक्ष लोकप्रसाद वञ्जारा, उपाध्यक्ष अमृता वस्ती लगायतको उपस्थिति रहेको थियो ।
स्थानीय तहका प्रमुखहरूले उपकरणको प्रभावकारी उपयोग गर्दै छिट्टै सेवा सञ्चालनमा ल्याइने प्रतिबद्धता जनाएका छन् । उनीहरूले सम्भव नेपालप्रति आभार व्यक्त गर्दै आगामी दिनमा समेत सहकार्य निरन्तर रहने विश्वास व्यक्त गरे ।
यसअघि पनि खत्रीकै पहलमा गोरखाका ११ स्थानीय तहले १३ वटा एम्बुलेन्स प्राप्त गरेका थिए । साथै आरुघाट आधारभूत अस्पतालमा करिब डेढ करोड रुपैयाँ लागतमा आधुनिक प्रयोगशाला स्थापना भई सञ्चालनमा रहेको छ ।
गोरखा। गोरखाको चुमनुब्री गाउँपालिका–१ साम्दोस्थित दिन्द्रुक खोलामा सुक्खा पहिरो खस्दा करिब २०० मिटर लामो ताल…
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…