विराज त्रिपाठी
नगरप्रमुख कृष्णबहादुर रानाको अध्यक्षतामा भएको सभाले नगर र वडा स्तरीय योजनाको बजेट पारित गरेको छ । उपप्रमुख मसली माया थोकरले आगामी वर्षका लागि ९४ करोड ६ लाख ६० हजार पाँच सय रुपैयाँ मध्ये ४३ दशमलव ६२ प्रतिशत पूँजिगत र ५६ दशमलव ३८ प्रतिशत चालुतर्फ बिनियोजन गरेको बताईन । नगर उपप्रमुख थोकरले आगामी वर्ष नगरपालिकाले संचालन गर्ने योजना र बिनियोजन गरेको बजेट प्रस्तुत गरेकी हुन् । नगरपालिकाले आउँदो बर्ष नगरस्तरीय योजनामा एकलाखसम्मका साना योजनालाई बजेट बाँडफाँट । वडाबाट पेश भएका योजनामा भने ५० हजारसम्मका साना कार्यक्रम पनि समेटिएका छन् ।
पूर्वाधार विकास, सामाजिक, आर्थिक स्वास्थ्य क्षेत्र लगायत गरी १४ वटा वडालाई एक/एक करोड बजेट बाँडफाँड गरिएको छ । त्योबाहेक नगरस्तरीय कार्यक्रमबाट पनि वडाका योजना समेटिएका छन् ।
वडा नम्बर १ मा पूर्वाधार विकासतर्फ ४० वटा योजनासहित ५३ वटा योजना वडाबाट छनौट भएका छन् । ४० हजारदेखि १५ लाखसम्मका योजना समेटिएका छन् । वडा नम्बर २ मा पूर्वाधारतर्फ २२, सामाजिक विकास तर्फ १३ वटा योजना छन् । कोखे आहाले प्रहरी चौकीलाई २५ हजारको इन्धनदेखि ५० हजार हुँदै १५लाख सम्मका कार्यक्रम छन् । वडा नम्बर ३ मा भने एकलाख भन्दा कमका योजना छैनन् । पूर्वाधार तर्फ २२ र अन्य १२ वटा योजना छन् । वडा नम्बर ४ मा ५० हजार देखि १३ लाख सम्मका योजना छन् । वडा नम्बर ५ मा २५ लाखदेखि ५० हजारसम्मका योजना छन् । ६ मा ५० हजारदेखि २५ लाखसम्मका कार्यक्रमलाई बजेट विनियोजन गरिएका छन् ।
वडा नम्बर ७ मा गन्धर्व जातिलाई तालिम दिने १५ हजारदेखि पूर्वाधार तर्फ १५ लाखसम्मका योजना छन् । ८ मा पूर्वाधारतर्फ मात्रै ४८ वटा योजना छ । यहाँ ५० हजारका योजना सबैभन्दा धेरै छन् ।
वडा नम्बर ९ मा पूर्वाधार तर्फ ३३ वटा योजना छ भने ५० हजारदेखि १८ लाख सम्मका योजना छन् । वडा नम्बर १० मा एक लाख भन्दा थोरैका योजना छैनन् । पूर्वाधार तर्फ २५ वटा योजना छन् ।
वडा नम्बर ११ मा पूर्वाधारतर्फ ३८ वटा योजना छ भने यहाँ ५० हजारदेखि १५ लाख सम्मका योजना छन् । वडा नम्बर १२ मा पूर्वाधार तर्फ ३३ वटा योजना छन् । ५० हजारदेखि १२ लाख सम्मका योजना यस वडामा छन् ।
वडा नम्बर १३ मा पूर्वाधारतर्फ मात्रै ४४ वटा योजना छ । अधिकतम सात लाखसम्मको योजना मात्रै छ भने एक लाख भन्दा कमका योजना छैनन् । वडा नम्बर १४ मा एक लाख भन्दा कमका योजना छैनन् । पूर्वाधारतर्फ २३ वटा योजना छन् ।
सबै वडालाई दामासाहीले एक–एक करोड बजेट दिएर नगरपालिकाले योजना माग गरेको थियो । नगरस्तरीय योजनामा भने वडा नम्बर १ मा ८ वटा योजनाका लागि ४३ लाख, २ मा ७ वटा योजनाका लागि ४८ लाख, ३ मा १३ वटा योजनाका लागि ५८ लाख बजेट बिनियोजन गरिएको छ ।
यस्तै वडा नम्बर ४ मा ९ वटा योजनाका लागि ६७ लाख, वडा नम्बर ५ मा ७ वटा योजनाका लागि ५० लाख, वडा नम्बर ६ मा सात वटा योजनाका लागि ४३ लाख, वडा नम्बर ७ मा आठ वटा योजनाका लागि ६५ लाख बजेट बिनियोजन गरिएको छ । यस्तै वडा नम्बर ८ मा १४ वटा योजनाका लागि ९० लाख, वडा नम्बर ९ मा १२ वटा योजनाका लागि ६७ लाख, वडा नम्बर १० मा नौ वटा योजनाका लागि एक करोड ४९ लाख बिनियोजन भएको छ । यस वडामा ठुटे बजार ताल निर्माणका लागि एक करोड बजेट बिनियोजन गरिएको छ ।
वडा नम्बर ११ मा एउटा मात्र योजनाका लागि एक करोड बिनियोजन भएको छ । पाईलोटिङ प्रोजेक्टका रुपमा नमुना पूर्वाधार विकास तथा रोजगार प्रवद्र्धन कार्यक्रमका लागि त्यहाँ एक करोड बिनियोजन गरिएको हो ।
वडा नम्बर १२ मा १२ वटा योजनाका लागि ६९ लाख, वडा नम्बर १३ मा नौ वटा योजनाका लागि ५० लाख, वडा नम्बर १४ मा ४९ लाख बजेट बिनियोजन गरिएको छ ।
गोरखा नगरपालिकाले आर्थिक वर्ष २०७९/०८० का लागि बजेट बिनियोजन गरेको छ । असार १० गते स्थगित भएको ११ औँ नगरसभालाई बिहिवार पूर्णता दिँदै नगर उपप्रमुख मसली माया थोकरले आगामी वर्ष नगरपालिकाले संचालन गर्ने योजना र बिनियोजन गरेको बजेट प्रस्तुत गरेकी हुन् ।
पोखरा, २० जेठ । पोखरा अन्तर्राष्ट्रिय विमानस्थलबाट नियमित अन्तर्राष्ट्रिय व्यावसायिक उडान सञ्चालन गर्ने तयारीले नयाँ…
गोरखा। गुड नेवर्स इन्टरनेशनल नेपालको आर्थिक तथा पद्धति विकास सेवा केन्द्र, गोरखाको साझेदारीमा सञ्चालित एकीकृत…
गोरखा। प्रदेश अस्पताल गोरखा र गोरखा नगरपालिकाको संयुक्त आयोजनामा प्रदेश अस्पताल गोरखामा आयुर्वेद थेरापी कक्षको…
गोरखा । गोरखाका दुई स्वास्थ्य संस्थामा आधुनिक स्वास्थ्य परीक्षण सेवा विस्तारका लागि करिब ८० लाख…
गोरखा । गोरखा नगरपालिका–१२ को १० किलोस्थित अढाईगाउँ खेलमैदानमा सम्पन्न चौथो राइजिङ स्टार कप फुटबल…
गोरखा । गोरखाका मगर र गुरुङ समुदायमा प्रचलित ऐतिहासिक घाटु नाच यतिबेला गाउँबस्तीमा पुनः जीवन्त…