गोरखा । गोरखाको मतगणना अझै सुरु भएको छैन । मत पेटिका ओसारेर नसकिएको र एमालेले पुन मतदान गर्न माग गरेका कारण गोरखाको मतगणना सुरु हुन नसकेको छैन । निर्वाचन अधिकृतको कार्यालयका अनुसार एमालेबाट आएको उजुरीको बारेमा छानविन पछि मात्र गणना सुरु हुने जनाएको छ ।
निर्वाचनमा धाँधली भएको आरोप लगाउँदै नेकपा एमाले गोरखाले दुवै क्षेत्रका केहि मतदान केन्द्रहरुमा पुन: मतदानको माग गरेको छ ।
आइतबार साँझ एक प्रेस विज्ञप्ति जारी गर्दै एमालेले लाेकतान्त्रिक बाम गठबन्धनबाट गोरखा–१ र २ का केही केन्द्रहरुमा मृतक, अनुपस्थित मतदाताहरुको नामबाट मतदान गर्ने र अन्य उम्मेदवारका मतदान प्रतिनिधिमाथि हातपात गर्नेजस्ता अवाञ्छित कृयाकलाप भएको भन्दै पुन मतदानकाे माग गरेकाे हाे ।
गोरखा क्षेत्र नम्बर १ अन्तर्गत विन्द्रावती मावि मसेल, बालकल्याण आधारभूत विद्यालय फुस्रेमाटा, आरुघाट गाउँपालिका–१ मान्वु, धार्चे–३ को पार्वती आधारभूत विद्यालय, गोरखा–२ अन्तर्गत सिरानचोक गाउँपालिकाको सरस्वती आधारभूत विद्यालय, वारपाक सुलिकोट गाउँपालिकाको हिमालय मावि सौरपानी, सूर्योज्योति मावि ताकुमा निर्वाचन विरोधी क्रियाकलाप भएको नेकपा एमालेले जनाएको छ ।
उत्त मतदान केन्द्रमा भएका घटनाको निष्पक्ष छानबिन गरी पुन: निर्वाचन गर्न निर्वाचन आयोगको ध्यानाकर्षण गराएको विज्ञप्तिमा उल्लेख छ ।
पोखरा, २० जेठ । पोखरा अन्तर्राष्ट्रिय विमानस्थलबाट नियमित अन्तर्राष्ट्रिय व्यावसायिक उडान सञ्चालन गर्ने तयारीले नयाँ…
गोरखा। गुड नेवर्स इन्टरनेशनल नेपालको आर्थिक तथा पद्धति विकास सेवा केन्द्र, गोरखाको साझेदारीमा सञ्चालित एकीकृत…
गोरखा। प्रदेश अस्पताल गोरखा र गोरखा नगरपालिकाको संयुक्त आयोजनामा प्रदेश अस्पताल गोरखामा आयुर्वेद थेरापी कक्षको…
गोरखा । गोरखाका दुई स्वास्थ्य संस्थामा आधुनिक स्वास्थ्य परीक्षण सेवा विस्तारका लागि करिब ८० लाख…
गोरखा । गोरखा नगरपालिका–१२ को १० किलोस्थित अढाईगाउँ खेलमैदानमा सम्पन्न चौथो राइजिङ स्टार कप फुटबल…
गोरखा । गोरखाका मगर र गुरुङ समुदायमा प्रचलित ऐतिहासिक घाटु नाच यतिबेला गाउँबस्तीमा पुनः जीवन्त…