eAstra News

विराज त्रिपाठी

मङ्सिर २३। गोरखा नगरपालिका भित्र महिलाले नेतृत्व गरेको सहकारी संस्था मध्ये गण्डकी महिला बचत तथा ऋण सहकारी संस्था लि. को २९ औं वार्षिक सााधरण सभा गोरखा नगरपालिकाको प्रमुख कृष्ण रानाको प्रमुख आथिथ्यता मा सम्पन्न भएको छ ।

उक्त कार्यक्रममा गोरखा नगरपालिकाका प्रमुख कृष्ण राना उप – प्रमुख मसली माया थोक्कर पुन, गोरखा नगरपालिका वडा १० का अध्यक्ष प्रदिप कुन्वर, नेपाली काङ्ग्रेसका जिल्ला सचिब किस्वर जंग थापा तथा श्री रत्न राज्य मा.बि. का प्रधानध्यापक तेज बहादुर नेपालीको उपस्थिति रहेको थियो ।

२०४९ सालमा स्थापना भएको उक्त सहकारी संस्थाले गोरखा नगरपालिका गोरखा द्वारा उत्कृष्ट कार्य गर्ने सहकारीको रुपमा सफल भइ यस बर्ष पनि रु.५०,०००।- नगत पुरस्कार सहित सम्मान पत्र ग्रहण गर्न सफल भएको संस्था हो ।

संस्थाका अध्यक्ष बेत्रावती बगालेका अनुसार गण्डकी महिला बचत तथा ऋण सहकारी संस्था लि. ले सहकारीको मर्म र भावनालाई आत्मसाथ गरि सबै वर्ग, तह र क्षेत्रलाई समेटि सामुहिक हित र उन्नतिमा सहकारीको मुल्य, मान्यता र सिद्धान्तलाई अंहिकार गरि समुदायमा गरिब, एकल तथा सामाजिक रूपमा पछी परेका बिशेष गरि महिलाहरुको लागि सिपमुलक तालिम र ब्यबसाय गरि आत्मनिर्भर बन्नको लागि समुहगत रुपमा वास्तविक पहिचान दिने अभिप्रायले संस्थाले समुह र क्षेत्रीय अबधारणाको बिकास गरि सहकारी अभियानमा समर्पित भै कार्य गर्दै आइरहेको जानकारी दिनु भयो ।

संस्थाका अध्यक्ष बगाले भन्नुहुन्छ,”हामी २५ जना महिला साथीहरु मिलेर २०४९ सालमा घर घरमा २५ रुपैया संकलन गरि यो संस्था संचालन मा लेराएको थियौ अहिले यहि संस्थाले महिलाहरु लाई व्यावसाय गरि आत्मनिर्भर बनाउन सहयोग गरिरहेको छ र भबिस्यमा पनि गरि रहेने छ भनी प्रतिबद्धता गर्दछु ।”

संस्थाका अध्यक्ष बगाले गण्डकी महिला बचत तथा ऋण सहकारी संस्था लि.को संस्थापक अध्यक्ष समेत हुनुहुन्छ ।