गोरखा । मंसिर १६ गते गण्डकी प्रदेशको एउटा वडामा मात्र हुन लागेको उपनिर्वाचनका लागि १० राजनीतिक दलका १० जनाले उम्मेदवारी दर्ता गराएका मुख्य निर्वाचन अधिकृतको कार्यालयले जानकारी दिएको छ ।
गोरखा नगरपालिका वडा नम्बर ५ मा हुन लागेको उपनिर्वाचनका लागि निर्वाचन आयोगद्वारा तोकिएको कार्यतालिका अन्तर्गत आईतबार उम्मेदवार मनोनयनपत्र दर्ता भएको हो । नेपाली काँग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राप्रपा, नेपाल समाजवादी पार्टी, राप्रपा नेपाल, नेकपा (एकीकृत समाजवादी), मंगोल नेशनल अर्गनाइजेसन र नेशनल रिपब्लिक नेपालले आफ्ना उम्मेदवारको मनोनयन दर्ता गरेका हुन् ।
जसमा नेपाली काँग्रेसबाट भाई काजी आले, नेकपा एमालेबाट दुर्गा माया थापा राना, नेकपा माओवादी केन्द्रबाट विष्णु बहादुर मगर, राष्ट्रिय स्वतन्त्र पार्टीबाट मंगल बहादुर थापा र राप्रपाबाट कल्पना राना उम्मेदवार रहेका छन् ।
त्यसैगरी नेपाल समाजवादी पार्टीबाट रुपेश मग्राती, राप्रपा नेपालबाट रुप सिंह राना, नेकपा (एकीकृत समाजवादी)बाट खड्ग बहादुर भुजेल, मंगोल नेशनल अर्गनाइजेसनबाट भबानी थापा मगर र नेशनल रिपब्लिक नेपालबाट सबिना तामाङ्ग उम्मेदवार रहेका छन् ।
उक्त वडाको निर्वाचन क्षेत्रमा दुई हजार २२५ मतदाता रहेका छन् । कार्यतालिका अनुसार आइतबार(आज) मंसिर २ गते उम्मेदवारी मनोनयन दर्ता गरिएको हो । मंसिर ४ गते उम्मेद्वारको नामावली प्रकाशन गर्ने तालिका रहेको कार्यालय प्रमुख टेकबहादुर कोइरालाले बताए । उनले उम्मेदवारको नाम फिर्ताका लागि मंसिर ५ गते दिउँसो एक बजेसम्मको समय दिइएको जानकारी दिए ।
सोही दिन उम्मेद्वारलाई निर्वाचन चिन्ह प्रदान गरिने र १६ गते निर्वाचन हुने बताइएको छ । मंसिर १३ गते राती १२ बजेबाट चुनावी प्रचारप्रसार गर्न नपाइने कार्यालयले जनाएको छ ।
यसअघिका वडाध्यक्ष खिलबहादुर रानाको २०७९ साल कात्तिक १० गते भाइटिकाको दिन असामयिक निधन भएको थियो । त्यस यता रिक्त रहेको वडाध्यक्ष पदका लागि यही मंसिर १६ गते उपनिर्वाचन हुन लागेको हो ।
गोरखा, असार २२ । गोरखा जिल्लालाई पुनः पूर्णखोप सुनिश्चितता तथा दिगोपना जिल्ला घोषणा गरिएको छ।…
२१ असार २०८३ । डोल्पाको जगदुल्ला गाउँपालिका–४ मौरेलेखमा आइतबार बोलेरो जिप दुर्घटना हुँदा एक जनाको…
चितवन । चितवन राष्ट्रिय निकुञ्जको कुख्यात जंगली भाले हात्ती ‘ध्रुवे’को आक्रमणमा भरतपुर महानगरपालिका–२३ की २१…
धादिङ । धादिङको गङ्गाजमुना गाउँपालिका–४ यार्सा टोलमा आफ्नै छोराको कुटाइबाट ६० वर्षीय धननारायण सुनारको मृत्यु…
२१ असार २०८३ । फिफा विश्वकप २०२६ अन्तर्गत राउन्ड अफ १६ मा फ्रान्सले पाराग्वेलाई १–०…
२१ असार २०८३ । फिफा विश्वकप २०२६ अन्तर्गत राउन्ड अफ १६ मा मोरक्कोले क्यानडालाई ३–०…