गोरखा । गोरखा नगरपालिका वडा नं. ६, घ्याम्पेसाल बसपार्कबाट २ जना व्यक्तिहरूलाई लागूऔषध सहित पक्राउ गरिएको छ।
जिल्ला प्रहरी कार्यालय गोरखाका प्रहरी नायब निरीक्षक इन्द्र प्रसाद सुवेदीका अनुसार चैत्र १५ गते शुक्रबार दिउँसो १:३० बजेको समयमा गोरखा नगरपालिका वडा नं. ६, घ्याम्पेसाल बसपार्कमा २७ वर्षीय विशाल बसेललाई शंकास्पद अवस्थामा पक्राउ गरी खानतलासी गर्दा लागूऔषध Diazepam २ एम्पुल, Phenergan २ एम्पुल, NOOPHIN १ एम्पुल र IPPL १ एम्पुल फेला परेका थिए। सोधपुछमा विशाल बसेलले उक्त लागूऔषध गोरखा जिल्ला, भिमसेनथापा गाउँपालिका वडा नं. १, घर भई हाल गोरखा नगरपालिका वडा नं. ६, बस्ने नरेश बरामबाट खरिद गरेको स्वीकार गरेको जिल्ला प्रहरी प्रबक्ता सुवेदीले बताए ।
पक्राउ परेका बसेलको बयानका आधारमा, प्रहरीले नरेश बरामको डेराकोठामा खानतलासी गर्दा २१ एम्पुल IPPL, ४६ एम्पुल NOOPHIN, ६७ एम्पुल Diazepam, ६७ एम्पुल Phenergan गरी जम्मा २०१ एम्पुल लागूऔषध फेला पारेको जिल्ला प्रहरी प्रबक्ता सुवेदीले बताए ।
नरेश बराम फरार रहेको थाहा पाएपछि, चैत्र १७ गते आइतबार ९:४५ बजेको समयमा गोरखा नगरपालिका वडा नं. ६, हरमटारी स्थित फेला पारेर नियन्त्रणमा लिइएको छ।
दुवै जना विरुद्ध लागूऔषध नियन्त्रण ऐन, २०३३ अन्तर्गत मुद्दा दर्ता गरिएको छ र गोरखा जिल्ला अदालतबाट हिरासतमा राखी थप अनुसन्धानका लागि म्याद थप अनुमती प्राप्त गरिएको छ। अनुसन्धान कार्य जारी रहेको प्रहरीले जानकारी दिएको छ।
पोखरा, २० जेठ । पोखरा अन्तर्राष्ट्रिय विमानस्थलबाट नियमित अन्तर्राष्ट्रिय व्यावसायिक उडान सञ्चालन गर्ने तयारीले नयाँ…
गोरखा। गुड नेवर्स इन्टरनेशनल नेपालको आर्थिक तथा पद्धति विकास सेवा केन्द्र, गोरखाको साझेदारीमा सञ्चालित एकीकृत…
गोरखा। प्रदेश अस्पताल गोरखा र गोरखा नगरपालिकाको संयुक्त आयोजनामा प्रदेश अस्पताल गोरखामा आयुर्वेद थेरापी कक्षको…
गोरखा । गोरखाका दुई स्वास्थ्य संस्थामा आधुनिक स्वास्थ्य परीक्षण सेवा विस्तारका लागि करिब ८० लाख…
गोरखा । गोरखा नगरपालिका–१२ को १० किलोस्थित अढाईगाउँ खेलमैदानमा सम्पन्न चौथो राइजिङ स्टार कप फुटबल…
गोरखा । गोरखाका मगर र गुरुङ समुदायमा प्रचलित ऐतिहासिक घाटु नाच यतिबेला गाउँबस्तीमा पुनः जीवन्त…