गोरखा । गोरखामा ग्रामिण विद्युतिकरण केन्द्रमा जडान गरिएको ट्रान्सफर्मर चोरी गर्ने प्रयासमा एक जना पक्राउ परेका छन् ।
आइतबार बेलुकी करिब ७ बजे सिरानचोक गाउँपालिका–२, झिम्रेक बनपालेस्थित श्री थालाजुङ गा.वि.स. घर्तिपानी खनालथोक ग्रामिण विद्युतिकरण केन्द्रमा राखिएको ५० के.भी क्षमताको ट्रान्सफर्मर फुटाई भित्रको तामाको तार लगायतका सामग्री चोरी गर्ने क्रममा एक युवकलाई पक्राउ गरिएको हो ।
पक्राउ पर्नेमा रौतहट जिल्ला गरुडा नगरपालिका–२ स्थायी घर भई हाल गोरखा नगरपालिका–१०, छेवेटारस्थित कबाड संकलन केन्द्रमा काम गर्ने २८ वर्षीय बलि सहनी रहेको जिल्ला प्रहरी कार्यालय गोरखाका प्रहरी नायब उपरीक्षक एवम् सूचना अधिकारी इन्द्र प्रसाद सुवेदीले जानकारी दिएका छन् ।
उनका अनुसार विद्युतिकरण केन्द्रका प्रतिनिधि मार्फत चोरी उद्योग मुद्दामा जाहेरी दर्ता भई अदालतबाट पाँच दिनको म्याद थप अनुमति लिई थप अनुसन्धान भइरहेको छ ।
यस घटनामा संलग्न अन्य व्यक्तिहरु फरार रहेका र उनीहरुको खोजी कार्य जारी रहेको प्रहरीले जनाएको छ ।
गोरखा । ऐतिहासिक तथा आध्यात्मिक महत्व बोकेको गोरखा पुनः राष्ट्रिय चेतना जागरणको केन्द्र बन्ने दिशामा…
गोरखा । गोरखा जेसीजद्वारा आयोजित दोस्रो गोरखा जेसीज फुटसल प्रतियोगिता २०२६ सफलतापूर्वक सम्पन्न भएको छ।…
गोरखा । नयाँ वर्ष २०८३ लाई लक्षित गर्दै गोरखा सदरमुकाममा ‘तेस्रो रैथाने खाना तथा सडक…
गोरखा । गोरखामा आगामी वैशाख ३ गतेदेखि दोस्रो अन्तरपालिका उप–मेयर भलिबल प्रतियोगिता हुने भएको छ।…
चैत १९ गतेदेखि सञ्चालन हुने २०८२ सालको माध्यमिक शिक्षा परीक्षा एसईईमा यस वर्ष गण्डकी प्रदेशमा…
गोरखा । गोरखा जेसीज गोरखाले युवाहरूको नेतृत्व विकास, खेलकुद प्रवर्द्धन र सामाजिक सशक्तीकरणलाई लक्षित गर्दै…