गोरखा — जिल्ला खेलकुद विकास समितिको आयोजनामा गोरखा नगरपालिका वडा नं. १० स्थित छेवेटार खेलकुद मैदानमा सम्पन्न प्रथम पृथ्वीनारायण गोल्ड कप फुटबल प्रतियोगिताको उपाधि नेपाल पुलिस क्लब ले जितेको छ।
शनिबार सम्पन्न फाइनल खेलमा पुलिसले चित्लाङ एफसी लाई १–० गोल अन्तरले पराजित गर्दै उपाधि उचालेको हो। पुलिसको जितका लागि ओसेन्द्र कटुवालले निर्णायक गोल गरे। खेलभरि चित्लाङ एफसीले पाएका केही महत्वपूर्ण अवसर सदुपयोग गर्न नसक्दा कटुवालको गोल नै खेलको एकमात्र तथा निर्णायक गोल बन्यो।
उपाधिसँगै नेपाल पुलिस क्लबले नगद रु ८ लाख प्राप्त गरेको छ भने उपविजेता चित्लाङ एफसीले रु ४ लाखमा चित्त बुझाएको छ।
प्रतियोगितामा चित्लाङ एफसीका सकल रेग्मी ‘प्लेयर अफ द टुर्नामेन्ट’ घोषित हुँदै रु २५ हजार पुरस्कार प्राप्त गरे। समितिका अध्यक्ष प्रेम तामाङका अनुसार नेपाल पुलिसका राजिब राई उत्कृष्ट गोलकिपर घोषित भए भने सन्जित श्रेष्ठ उत्कृष्ट प्रशिक्षक बने। फाइनलका एक मात्र गोलकर्ता ओसेन्द्र कटुवाल ‘प्लेयर अफ द म्याच’ घोषित भए। उत्कृष्ट घोषित खेलाडी तथा प्रशिक्षकले जनही रु १५ हजार पुरस्कार प्राप्त गरेका छन्।
प्रतियोगितामा ए डिभिजनका ७ क्लब र आयोजक टोलीसहित कुल ८ क्लबको सहभागिता रहेको थियो। विजेताहरुलाई शनिबार नै पुरस्कार वितरण गरिएको थियो।
गोरखा। गोरखाको चुमनुब्री गाउँपालिका–१ साम्दोस्थित दिन्द्रुक खोलामा सुक्खा पहिरो खस्दा करिब २०० मिटर लामो ताल…
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…