बिराज त्रिपाठी
२९ फागुन २०७९ । गोरखा सदरमुकाम स्थित विसौनी मोडमा सवारी दुर्घटना हुदा एक जनाको मृत्यु भएको छ भने सात जना गम्भिर घाइते भएका छन् । दुर्घटना पश्चात् उपचारको लागि जिल्ला अस्पताल गोरखा पठाईएकोमा उपचारको क्रममा एक जनाको मृत्यू भएको हो। मृत्यु हुनेको परिचय भने अहिले सम्म हुन सकेको छैन ।
गोरखा नगरपालिका ६ बिसौनीमोडमा गोरखा बसपार्कबाट आबुखैरेनी तर्फ आउदै गरेको प्र.३-०१-००३ क ६१७० नं फलफुल बोकेको मिनीट्रक अनियन्त्रित भई बिपरित दिशाबाट आउदै गरेको बा ८६ प १७८५ नं मो.सा.तथा बाटोमा रहेका पैदलयात्री समेतलाई लछारी सडक देखी अ.२० मिटर तल खसेको जिल्ला प्रहरी कार्यालयले जनाएको छ ।
घाइते हुनेमा निम्न :-
१) जिल्ला गोरखा शहिदलखन गाउँपालिका ७ घर भई हाल गो.न.पा.९ बस्ने बर्ष ३० की रमला राना मगर ।
२) जिल्ला गोरखा शहिदलखन गाउँपालिका बस्ने बर्ष ५९ को लाल बहादुर गुरुङ ।
३) जिल्ला गोरखा गोरखा नगरपालिका १० बस्ने बर्ष ४० की साबीत्री बि.क. ।
४) जिल्ला गोरखा शहिदलखन गाउँपालिका बस्ने बर्ष ६८ को नारायण भुजेल ।
५) जिल्ला बर्दिया स्थाई वतन रहेका बर्ष २८ को मंगल चौधरी ।
६) जिल्ला दोलखा स्थाई वतन रहेका बर्ष ३२ को बिष्णु खड्का ।
७) वतन नखुलेका बुद्दी बहादुर नेपाली ।
उल्लेखित घाईतेहरु मध्ये सि.न. ४ का घाईतेको जिल्ला अस्पताल गोरखामा उपचार भईरहेको र अन्य घाईतेहरुलाई थप उपचारको लागि भरतपुर मेडिकल कलेज पठाईएको छ । मृतक लास जिल्ला अस्पताल गोरखामा रहेको सनाखत हुन बाकी रहेको दुर्घटनाको थप अनुसन्धान जारी रहेको जिल्ला प्रहरी कार्यालयका सूचना अधिकारी प्र.ना.उ. लिलाराज लामिछानेले जानकारी दिनु भयो ।
सवारी दुर्घटना भएको समय नवित्दै गोरखामा कार्यरत नेपाली सेना, प्रहरी तथा शसस्त्र प्रहरी घटना स्थिलमा पुगेको थियो ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…