असोज १७, २०८१ । गोरखा जिल्लाको गोरखा नगरपालिका वडा नं. ९ ठिगुरेस्वाँरा स्थित आँबुखैरेनी सडकखण्डमा भएको मोटरसाइकल दुर्घटनामा भिमसेन थापा गाउँपालिका वडा नं. २ तान्द्राङका एक पुरुषको मृत्यु भएको छ ।
मोटरसाइकल दुर्घटनामा परी मृत्यु हुनेमा मोटरसाइकल चालक भिमसेन थापा गाउँपालिका वडा नं. २ बस्ने ३४ वर्षीय टिकाराम लामिछाने रहेको जिल्ला प्रहरी कार्यालय गोरखाले जनाएको छ ।
करिब दिउँसो २ बजेको समयमा गोरखा नगरपालिका ठिगुरेस्वाँरा स्थित आँबुखैरेनी सडकखण्डमा गोरखाबजार देखि
आँबुखैरेनी तर्फ जाँदै गरेको बा.४२ प. ७९८३ नम्बरको मोटरसाईकल अनियन्त्रित भई दुर्घटना हुँदा चालक लामिछानेको मृत्यु भएको हो ।
गम्भीर घाइते भई लामिछानेलाई उपचारको लागि जिल्ला अस्पताल गोरखामा लगिएको थियो ।
