उत्तरी गोरखाको चुमनुब्री गाउँपालिकालाई डढेलो मुक्त क्षेत्र घोषणा गरिएको छ ।
गाउँपालिकाले आगामी आर्थिक बर्ष २०८०/०८१ को नीति तथा कार्यक्रममै समेटेर गाउँपालिकालाई डढेलो मुक्त क्षेत्र घोषणा गरिएको गाउँपालिका अध्यक्ष निमा लामाले जानकारी दिए ।
डढेलोबाट बनजंगलको नाश मात्र नभई वातावरणीय असरले जलबायु परिवर्तनमा समेत नकारात्मक प्रभाव पारिरहने हुनाले यसलाई रोकथाम र नियन्त्रणका लागि सिङ्गो गाउँपालिकालाई नै डढेलो मुक्त गाउँपालिका घोषणा गरिएको अध्यक्ष लामाले बताए ।
गाउँपालिका क्षेत्र भित्रका जंगलहरुमा शिकारीहरुले बढी मात्रा डढेलो लगाउने गरेको पाइएकाले डढेलो नियन्त्रणका लागि कडाई गर्नुपर्ने अबस्था आएको गाउँपालिका अध्यक्ष लामाले बताएका छन । गाउँपालिकालाई प्रदुषण मुक्त क्षेत्र घोषणा भइसकेकाले त्यसको कार्यान्वयनका लागि पनि चुमनुब्रीलाई पहिलाडढेलो मुक्त गाउँपालिका बनाउन आबश्यक रहेको अध्यक्ष लामाको भनाई रहेको छ ।
घोषणा कार्यान्व्यनका लागि मनास्लु संरक्षण क्षेत्र आयोजनासंग पनि समन्वय गरेर गाउँगाउँमा जनचेतना फैलाउने योजना गाउँपालिकाले बनाएको छ । उत्तरी गोरखाको चुमनुब्री गाउँपालिकाको चुम उपत्यका करिब एकसय तीन बर्ष अघिदेखि शान्ति र अहिसांको क्षेत्रको रुपमा प्रख्यात रहेको छ । अहिंसाको क्षेत्र भएकाले त्यहाँ कुनै प्रकारको काटमार हुदैन ।
बि.स १९७७ को वुद्धजयन्ती अवसरमा अवतारी लामा सेराप दोर्जेले आफ्नो तपोभूमि चुम उपत्यकाका बासिन्दालाई अहिंसा सिद्धान्तको पालना गर्ने सामुहिक प्रतिवद्धता गराएर अहिंसाको क्षेत्र घोषणा गरेको थियो । सोही भूमिलाई गाउँपालिकाले नीति तथा कार्यक्रममा नै समेटेर गाउँपालिकालाई नै डढेलो मुक्त पालिका घोषणा गरेको हो ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…