गोरखा । गोरखा नगरपालिका वडा नं. ३ घलाङस्थित राष्ट्रिय माध्यमिक विद्यालयका विद्यार्थीलाई शैक्षिक सामग्री सहयोग गरिएको छ । गोरखा नगरपालिका–७ मा रहेको युनाइटेड सेभेन युथ क्लबले सोमबार विद्यालयका १०६ जना विद्यार्थीलाई शैक्षिक सामग्री प्रदान गरेको हो ।
विद्यार्थीको शैक्षिक क्षेत्रमा सहयोग पु¥याउने उद्देश्यले तिहारमा भैलो खेलेर संकलन गरिएको रकमबाट सहयोग गरिएको क्लबका प्रवक्ता समीर श्रेष्ठले जानकारी दिए । उनका अनुसार कक्षा १ देखि १० सम्म अध्ययनरत सम्पूर्ण विद्यार्थीलाई कापी, पेन्सिल र जेलपेन वितरण गरिएको छ भने विद्यालयलाई परीक्षा पुस्तिका समेत सहयोग गरिएको छ ।
विद्यालय व्यवस्थापन समिति अध्यक्ष प्रविण वस्नेतको अध्यक्षतामा सम्पन्न कार्यक्रममा विद्यालयका प्रधानाध्यापक माधव तिवारी लगायतले मन्तव्य राख्दै क्लबको सामाजिक योगदानको प्रशंसा गरेका थिए ।
यस्तै, भैलो खेलेर संकलित रकमबाट अन्य विद्यालयमा पनि शैक्षिक सामग्री सहयोग गर्ने कार्यक्रम रहेको युनाइटेड सेभेन युथ क्लबका अध्यक्ष श्याम आलेले जानकारी दिए ।
गोरखा । विपद्को समयमा गोरखामा एलपी ग्यासमा कृत्रिम अभाव सिर्जना गरी उपभोक्तामाथि ठगी भइरहेको आरोपबीच…
गोरखाको सिरानचोक गाउँपालिका–४ माझगाउँबेँसीमा बारी जोत्ने क्रममा ट्याक्टर दुर्घटना हुँदा चालकको उपचारका क्रममा मृत्यु भएको…
गोरखा। गोरखाको आरुघाट गाउँपालिका–६ चिहानडाँडास्थित जंगलबाट प्रहरीले ५ थान भरुवा बन्दुक बरामद गरेको छ। इलाका…
गोरखाको शहीद लखन गाउँपालिका–३ सिलिङटारस्थित पाङ्ग्रे खोलामा पौडी खेल्ने क्रममा बगेका एक जनाको मृत्यु भएको…
गोरखा । गोरखामा प्रहरीले लाइसेन्सबिनाको भरुवा बन्दुकसहित दुई जनालाई नियन्त्रणमा लिएको छ। मिति २०८३ भदौ…
गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी…