असार ३१ । गोरखामा अबैध रुपमा नाले भरुवा बन्दुक राखेको आरोपमा तीन जनालाई जिल्ला प्रहरी कार्यालय गोरखाबाट खटिएको टोलिले पक्राउ गरेको छ ।
जिल्ला प्रहरी कार्यालय गोरखाका अनुसार शुक्रबार दिउँसो करिब ३ बजे शहिदलखन गाउँपालिका वडा नम्बर ९ नामजुङमा अवैध रुपमा भरुवा बन्दुक लुकाई छिपाई राखेको छ भन्ने गोप्य सूचनाको आधारमा खोजतलास गर्ने क्रममा २४ बर्षका सन्दिप भुजेल, ३३ बर्षका पर्वत बाबु थापा र ४८ बर्षका कुल बहादुर घर्तीको घरबाट एक/एक थान नाले भरुवा बन्दुक बरामत गरिएको जनाएको छ ।
उनीहरुलाई हातहतियार तथा खरखजना कसूर मुद्दामा दर्ता गरी असार ३१ गते आईतबार जिल्ला अदालत गोरखामा पेस गरिएको र जिल्ला अदालतबाट हिरासतमा राखि अनुसन्धान गर्न म्याद थपको अनुमती लिई थप अनुसन्धान भई रहेको प्रहरी नायब निरीक्षक रमेश कुमार श्रेष्ठले जानकारी दिएका छन ।
