नेकपा (एमाले)का अध्यक्ष केपी शर्मा ओलीले चौथो पटक प्रधानमन्त्रीको शपथ लिएका छन्।
त्यस्तै, प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । शीतल निवासमा सोमबार आयोजित कार्यक्रममा नवनियुक्त प्रधानमन्त्री ओली तथा मन्त्रीहरुलाई राष्ट्रपति रामचन्द्र पौडेलले पद तथा गोपनियताको शपथ खुवाएका छन् ।
राष्ट्रपतिले असार ३० गते ओलीलाई संविधानको धारा ७६ को उपधारा २ अनुसार प्रधानमन्त्री नियुक्त गरेका थिए। ओली यसअघि २०७२ असोज २५ गते, २०७४ फागुन ३ गते र २०७८ वैशाख ३० गते प्रधानमन्त्री नियुक्त भएका थिए।
नेपाली कांग्रेस, एमाले, जनता समाजवादी पार्टी, लोकतान्त्रिक समाजवादी पार्टीबाट मन्त्री बनेका छन्।
मन्त्रीहरुको कार्यविभाजन यसप्रकार छ:
प्रधानमन्त्री: केपी शर्मा ओली
प्रकाशमान सिंह : उपप्रधान तथा शहरी विकास
विष्णु पौडेल : उपप्रधानमन्त्री तथा अर्थ
पृथ्वीसुब्बा गुरुङ : सञ्चार तथा सूचना प्रविधि
रमेश लेखक : गृह
शरतसिंह भण्डारी : श्रम, रोजगार तथा सामाजिक सुरक्षा
आरजु राणा : परराष्ट्र
प्रदीप यादव : खानेपानी
बलराम अधिकारी : भूमि व्यवस्था, सहकारी तथा गरीबी निवारण
दामोदर भण्डारी : उद्योग, वाणिज्य तथा आपूर्ति
नवलकिशोर साह सुडी : महिला, बालबालिका तथा ज्येष्ठ नागरिक
देवेन्द्र दाहाल : भौतिक पूर्वाधार तथा यातायात
तेजुलाल चौधरी : युवा तथा खेलकूद
अजय चौरसिया : कानून, न्याय तथा संसदीय मामिला
विद्या भट्टराई : शिक्षा, विज्ञान तथा प्रविधि
मानवीर राई : रक्षा
दीपक खड्का : ऊर्जा, जलस्रोत तथा सिंचाइ
राजकुमार गुप्ता : संघीय मामिला तथा सामान्य प्रशासन
ऐनबहादुर शाही : वन तथा वातावरण
प्रदीप पौडेल : स्वास्थ्य तथा जनसंख्या
बद्री पाण्डे : संस्कृति, पर्यटन तथा नागरिक उड्डयन
रामनाथ अधिकारी : कृषि तथा पशुपन्छी विकास
