बिराज त्रिपाठी
२०८१ असार ३१, गोरखा । श्रीमतीको हत्या गरेको आरोपमा बारपाक सुलिकोट गाउँपालिका–७, बालुवाका ३१ वर्षका कुमार सार्की पक्राउ परेका छन् ।
सार्कीले २६ वर्षकी श्रीमती सुनिता नेपालीको हत्या गरेको तथ्य खुलेको जिल्ला प्रहरी कार्यालय गोरखाका प्रवक्ता प्रहरी नायब उपरीक्षक रमेश कुमार श्रेष्ठले जानकारी दिए । ‘श्रीमतीको कुटपिट गरि हत्या गरेको र कसुरबाट बच्न आत्महत्या जस्तो वरदात बनाएको खुल्न आएको छ,’ उनले भने, ‘घटनाका बारेमा थप अनुसन्धान गरिरहेका छौँ।’
२०८१ असार २६ गते राती सुनिता नेपालीले घर भित्रको बलोमा सलले पासो लगाई आत्महत्या गरेको खबर प्रहरीलाई आएको थियो । झुण्डिरहेको अवस्थामा श्रीमान कुमार सार्कीले देखेर पासो काटी हेर्दा श्रीमती सुनिताको मृत्यु भइ सकेको भनी श्रीमान कुमारले गाउँ छिमेकमा खबर गरेको प्रहरीले जनाएको छ । तर, प्रहरी अनुसन्धानका क्रममा श्रीमानले कुटपिट गरि हत्या गरेको र पोस्टमार्टममा समेत हत्या गरि सजाय बाट बच्न आत्महत्या गरेको भनी नाटक रचेको भनी खुलेको डीएसपी श्रेष्ठले बताए ।
२०८१ असार २९ गते कुमारलाई पक्राउ गरी अनुसन्धान गर्दै जाँदा सुनिताले आत्महत्या गरेको नभई हत्या भएको तथ्य खुलेको हो ।
