इटहरी । इटहरीस्थित सेन्ट्रल प्लाजामा बुधबार बिहान लागेको आगो नियन्त्रण गर्न प्रयास जारी छ। प्रारम्भिक जानकारीअनुसार गृह मन्त्रालयले १६ जनाको उद्धार भएको बताएको थियो, तर पछि यसलाई संशोधन गर्दै ११ जनाको मात्रै उद्धार भएको जानकारी प्राप्त भएको छ। उद्धार गरिएका ११ जनामध्ये ८ पुरुष र ३ महिला छन्।
आगो बिहान साढे ९ बजे सुरु भएको थियो, र अहिले पनि आगो निभाउन नसकेको मन्त्रालयले जनाएको छ। इटहरी र आसपासका आठ वटा दमकलले आगो निभाउने प्रयास गरेका छन्, तर आगो पूर्ण रूपमा नियन्त्रणमा आउन सकेको छैन।
आगो नियन्त्रणका लागि सशस्त्र प्रहरी, नेपाल प्रहरी र नेपाली सेनासहित स्थानीय निकाय पनि सक्रिय रहेका छन्। नागरिक सुरक्षा र उद्धार कार्यलाई तीव्रता दिइरहेको भएपनि आगो नियन्त्रण गर्न चुनौतीपूर्ण भएको बताएका छन्।
