ईअस्त्र । इसाई धर्मावलम्बीहरूले आज ‘क्रिसमस डे’ मनाउँदै छन् । इसाई धर्मका संस्थापक जिसस क्राइस्ट (यशु ख्रीष्ट) को जन्मोत्सवमा नेपालसहित विश्वभर क्रिसमस डे पर्व मनाउने गरिन्छ ।
डिसेम्बर २५ लाई जिसस क्राइस्टको जन्मदिन मानिन्छ । सन् ३५० देखि यो पर्व मनाउन सुरु भएको पाइन्छ ।
डिसेम्बर २५ तारिखमा पर्ने इसाई धर्मावलम्बीको प्रमुख चाड क्रिसमस मनाउन अघिल्लो दिन राति ‘क्रिसमस इभ’ मनाउने चलन छ ।
यस अवसरमा इसाई धर्मावलम्बीहरु चर्चमा भेला भएर जिसस क्राइस्टको पवित्र आत्माको प्रार्थना गर्छन् । इसाई धर्मगुरु जिसस क्राइस्टले मानव जातिको मुक्तिका लागि आहुति दिएको सम्झनामा क्रिसमस डे मनाउने गरिन्छ ।
‘क्रिसमस डे’ को अवसरमा नेपाल सरकारले इसाई धर्मावलम्बीका लागि सार्वजनिक बिदा दिएको छ ।
