प्रतियोगिताको माध्यमद्वारा गोरखामा फुटबल खेल प्रति नब युवाहरुलाई आकर्षित गर्न, नब युवा खेलाडीहरु पहिचान गर्न तथा भबिस्यको लागि खेलाडी उत्पादन गर्नका लागि गोरखामा १६ वर्ष मुनिको प्रथम गोरखा कप हुने भएको छ ।
हरमटारी जुनियर फुटबल क्लव, गोरखाको आयोजनामा प्रथम गोरखा कप २०८० हुन लागेको हो । प्रतियोगिता वैशाख २२ र २३ गते गरि दुई दिन हरमटारी खेलकुद मैदानमा संचालन हुने भएको हो ।
सोहिल मियांका अनुसार प्रतियोगितामा जिल्ला भित्रका १२ टिमको सहभागिता रहनेछ । सो प्रतियोगितामा प्रथम हुने टिम नगद सहित ट्रफी मेडल र प्रमाणपत्र पाउनेछन् । त्यस्तै, दोस्रो हुने टिमले पनि नगद सहित मेडल प्रमाणपत्र प्राप्त गर्नेछन।
त्यस्तै, प्रतियोगिताभर उत्कृष्ट खेलाडी, सर्वाधित गोलकर्ता, उत्कृष्ट गोलकिपरलाई पनि विशेष पुरस्कारको व्यवस्था रहेको आयोजकले जनाएको छ ।
