३० जेठ २०८०
गोरखा । राष्ट्रिय स्वतन्त्र पार्टी गोरखा नगरपालिका कार्यालयको र नेपाल रेडक्रस सोसाइटी गोरखाको प्राविधिक सहयोगमा बृहत रक्तदान कार्यक्रम आयोजना गरिएको छ ।
राष्ट्रिय स्वतन्त्र पार्टीको प्रथम स्थापना दिवशको अवसरमा आउँदो असार ५ गतेका दिन विहान ७ बजे देखि नेपाल रेडक्रस सोसाइटी गोरखाको प्राविधिक सहयोगमा र राष्ट्रिय स्वतन्त्र पार्टी गोरखा नगरपालिका कार्यालयको आयोजनामा गोरखा सदरमुकाम स्थित हरमटारीमा नेपाल रेडक्रसको भवन परिसरमा बृहत रक्तदान कार्यक्रम हुने भएको हो ।
अहिले अस्पतालका शैयामा कयौं बिरामीहरु रगतको अभाव भई उपचारमा बाधा भएको भन्ने बिभिन्न सञ्चारमाध्यममा सुनिएको र रगतको अभाव हुन नदिन मद्दत पुगोस भनेर रक्तदान कार्यक्रम आयोजना गरिएको राष्ट्रिय स्वतन्त्र पार्टीका नगर सचिव अमृत भट्टराईले जानकारी दिए ।
