साउन ७ । विभिन्न डर-त्रास, धाक-धम्की दिई जबरजस्ती करणी गर्ने पालुङटारका एक जना पक्राउ परेको छ ।
जिल्ला प्रहरी कार्यालय गोरखाका अनुसार साउन ३ गते करिब राती ११:५५ बजेको समयमा गोरखा पालुङटार नगरपालिका वडा नं.६ स्थित जुडीखोलामा ३० बर्षकि महिलालाई २७ बर्षका नरेश तामाङले विभिन्न डर-त्रास, धाक-धम्की दिई जबरजस्ती करणी गरेको पीडितको जाहेरीमा रहेको जनाएको छ ।
पीडित मार्फत जाहेरी दरखास्त प्राप्त भई साउन ५ गते तामाङलाई पक्राउ गरी जबरजस्ती करणी कसूर शीर्षकमा मुद्दामा साउन ७ गते जिल्ला अदालत गोरखाबाट हिरासतमा राखी थप अनुसन्धान गर्न अनुमती लिईएको प्रहरी नायब निरीक्षक रमेश कुमार श्रेष्ठले जानकारी दिएका छ्न । उक्त घटनाको थप अनुसन्धानको कार्य भइ रहेको समेत श्रेष्ठले बताएका छ्न ।
