साउन २६ । शालिग्राम करिडोर सडक खण्ड अन्र्तगत तनहुँ जिल्ला ऋषिङ्ग गाउँपालिका वडा नम्बर ४ र ५ जोड्ने ज्वाला खोलामा निर्माण भएको मोटरेवल पुलको शुक्रवार गण्डकी प्रदेशका माननीय मुख्यमन्त्री सुरेन्द्रराज पाण्डेले उद्घाटन गर्नुभएको छ ।
२ करोड ९६ लाखमा निर्माण भएको उक्त पुल उद्घाटन गर्दै उहाँले गण्डकी प्रदेश सरकारले सर्वसाधारण नागरिकको माग र आवस्यकतालाई ध्यान दिएर भौतिक पूर्वाधार सँगै शालिग्राम करिडोर आसपासका सुख्खा फाँटमा सिंचाईको सुविधा पुर्याउने गरी कार्यक्रम संचालन गर्न लागेको बताउनुभयो ।
साथै उहाँले तनहुँको ऋषिङ्ग गाउँपालिकाको पिपलटार र नवलपुरको अत्रौली जोड्ने गरी कालीगण्डकी नदीमा पुल निर्माण गर्ने गरि गण्डकी प्रदेश सरकारले चालु वर्ष बजेट बिनियोजन गरेको बताउनुभयो । प्रदेश सरकार अन्र्तगतका योजनाहरुको सफल कार्यन्वयनकालागि स्थानीय तह, उपभोक्ता सबैलाई गुणस्तरीय काम हुने गरी छिटो सम्पन्न गर्ने तर्फ ध्यान दिन मुख्यमन्त्री ज्यूले अनुरोध गर्नुभयो ।
गण्डकी प्रदेश सरकारले पुल निर्माण गरिदिएपछि दैनिक कामकाज सहज भएको भन्दै स्थानीयले खुसी ब्यक्त गरेका थिए ।
