बिराज त्रिपाठी, साउन २८ । गोरखा जिल्ला सदरमुकाम गोरखा नगरपालिकामा सार्वजनिक शौचालय नहुँदा सर्वसाधारणले सास्ती भोग्नुपरेको छ । बजार क्षेत्रमै सार्वजनिक शौचालय नहुँदा शौच गर्नलाई समस्या हुने गरेको सर्वसाधारणको गुनासो छ ।
गोरखा सदरमुकाममा केही समय बालेन बाट प्रभावित भएर गोरखा बजारका केही होटेलहरुले शौचालयको ब्यबस्था गरिएता पनि हाल सो सेवाको चर्चा तथा उपयोग भने भएको छैन । सर्बसाधरणहरु होटेलमा शौच गर्न जादा केहि किन्नु पर्ने कि खाजा, चिया खानु पर्ने बाध्यता भएको गुनासो सर्वसाधारणले सुनाउछ्न ।
गोरखा नगरपालिका–९, लक्ष्मिबजार र गोरखा नगरपालिका–१२, कुन्दुर मा आइएनजिओ सिआरएसले निर्माण गरेको सार्बजनिक शौचालय पनि प्रयोग हुन सकेको छैन र सदरमुकाम नजिक पनि छैन ।
गोरखा सदरमुकाममा नै सार्वजनिक शौचालय नहुदा गोरखा जिल्ला कै लाजमर्दो उदाहरण भएको सर्बसाधरणहरु सुनाउछन् । सर्वसाधारणहरुले बजार बाट गाउँ जान दुई ओटा बसपार्क हुँदा पनि बसपार्क परिसर अथवा नजिक कतै पनि सार्वजनिक शौचालय नहुदा गाउँ जाने सर्वसाधारणले धेरै नै सास्ती भोग्नु परेको किस्साहरु सुनाउने गर्छ्न । किस्साहरुमा रमाइलो तरिकाले भनिएता पनि सामान्य शौच गर्ने शौचालय नहुदा गोरखा सदरमुकाम कै बिजोग देखिन सकिन्छ ।
गोरखामा दिनहुुँ जसो आन्तरिक तथा बाह्य पर्टकहरु आउने गर्छ्न । गोरखामा पर्यटकहरु हिड्ने तथा साइकल यात्रा गर्नेको संख्या धेरै नै हुने गर्दछ । पर्यटकहरु पनि शौच गर्न होटेलको नै प्रयोग गर्न बाध्य भएको पर्यटकहरूको भनाइ रहदै आएको छ ।
