असोज ९ । गोरखामा “मेयर युवा फुटबल विकास परियोजना” अन्तर्गत ९ औं ओसन कप हुने भएको छ ।
खेलाडी उत्पादनका लागि गोरखा नगरपालिका भित्रका १० विद्यालयहरुका १३ बर्ष भन्दा मुनिका बिद्यार्थीहरुको टिम बीच प्रतिस्पर्धा हुने उक्त ९ औं ओसन कप यु–१३ लिग २०८० यही असोज १३ गते देखि सुरु हुन लागेको द ओसन क्लवका अध्यक्ष अमित खत्रीले जानाकारी दिए ।
त्यस्तै असोज १३ देखि मङ्सीरको २३ गते सम्म चल्ने यु–१३ सेभेन ‘ए’ साइड फुटबल प्रतियोगितालाई बिद्यार्थीहरुको पठन – पाठनलाई समेत मध्य नजर गरेर प्रत्येक हप्ताको शनिबार र सार्बजनिक बिदाको दिनलाई सदुपयोग गरेर खेल प्रतियोगिता संचालन गर्ने अध्यक्ष खत्रीले बताए ।
गोरखा नगरपालिका भित्रका विद्यालयहरु बीच हुने ९ औं ओसन कप यु–१३ लिग २०८० सेभेन ‘ए’ साइड फुटबल प्रतियोगितामा प्रथम हुने टिमलाई ७ हजार पाँच सय रकम सहित ट्रफी,मेडल र प्रमाडपत्र, दोस्रो हुनेलाई तिन हजार पाँच सय सहित ट्रफी,मेडल र प्रमाडपत्र र खेलको प्रत्यक दिन पन्ध्र सय दिने आयोजकले जनाएको छ ।
साथै प्रतियोगिताको लागि अनुमानित पाँच लाख लागत खर्च हुने बताइएको छ भने प्रतियोगिता संचालन गर्न गोरखा नगरपालिकाले तिन लाख रकम सहयोग गरेको समेत आयोजकले जनाएको छ ।
प्रतियोगिताको खेलहरु द ओसन क्लबको कृत्रिम घासे मैदानमा सन्चालन हुनेछ ।
