गोरखा, २०८१ फागुन २०
गोरखा नगरपालिका वडा नं. ६ शक्तिचोकमा आज बिहान करिब ९:३० बजे भएको सवारी दुर्घटनामा दुई जना घाइते भएका छन्।
हरमटारीबाट बसपार्कतर्फ जाँदै गरेको ग २ ख १६१९ नम्बरको माइक्रोबस र विपरीत दिशाबाट आइरहेको ग २३ प ६९५ नम्बरको मोटरसाइकल आपसमा ठोक्किँदा मोटरसाइकल चालक ४४ वर्षीय सानुकाजी बस्नेत र पछाडि सवार उनका ८ वर्षीय छोरा संयोग बस्नेत घाइते भएका हुन्।
घाइते दुवै जनालाई थप उपचारका लागि चितवन मेडिकल कलेज, भरतपुर पठाइएको छ। उक्त दुर्घटनाबारे थप अनुसन्धान भइरहेको गोरखा प्रहरीले जनाएको छ।
