गोरखा । गोरखामा आगामी वैशाख ३ गतेदेखि दोस्रो अन्तरपालिका उप–मेयर भलिबल प्रतियोगिता हुने भएको छ। गोरखा नगरपालिकाको आयोजनामा हरमटारी खेलमैदानमा वैशाख ५ गतेसम्म सञ्चालन हुने प्रतियोगितामा जिल्लाका ११ वटै स्थानीय तहसँगै धादिङको नीलकण्ठ नगरपालिका पनि सहभागी हुनेछन्।
प्रतियोगितामा सहभागी हुन प्रत्येक पालिकाले १० खेलाडी, एक प्रशिक्षक र एक व्यवस्थापकसहित १२ सदस्यीय महिला भलिबल टोली दर्ता गर्नुपर्नेछ। यसअघि वैशाख १०–१२ का लागि तय गरिएको प्रतियोगिता कक्षा १२ को परीक्षाका कारण अघि सारिएको हो।
प्रतियोगितामा प्रथम हुने टोलीले १ लाख ३४ हजार, दोस्रोले ६८ हजार, तेस्रोले ४० हजार र सान्त्वना हुने टोलीले २० हजार रुपैयाँ पुरस्कार प्राप्त गर्नेछन्।
