विराज त्रिपाठी
पाँदेलटार स्थित ज्ञानमार्ग माध्यमिक विद्यालयलाई गोरखाको गण्डकी गाउँपालिकाका अध्यक्ष दीपक तिमिल्सेनाले गाउँपालिकाद्वारा प्राप्त गरेको पहिलो महिनाको ३६ हजार दुई रुपैयाँ विद्यालयलाई प्रदान गरेका छन्।
अध्यक्ष दीपक तिमिल्सेना भन्नुहुन्छ : ‘मैले निर्वाचनको बेला गाउँपालिकाभित्र शिक्षालाई प्रथामिकता दिन्छु भनेको थिए ‘ उनले भने, ‘यसैले विजयी भएपछि मैले पाएको सेवा सुविधा विद्यालयलाई गरेको हुँ।’
सो विद्यालयका प्रधानध्यापक दिलबहादुर गुरुङले प्राप्त रकम विद्यालयको छात्राबासमा अध्ययनरत विद्यार्थीका लागि खर्च गरिने जानकारी दिए। सो विद्यालयमा आवासीय सुविधासहित विपन्न चेपाङ समुदायका बालबालिका अध्ययन गर्दछन्।
