विराज त्रिपाठी
२०७९ भाद्र १७: विगतका दिनहरुमा गोरखा जिल्लाको सदरमुकाम स्थित गोरखा अस्पतालको छवि भने त्यति राम्रो रहेको छैन । अस्पतालमा उपचार गर्न आउँदा सामान्य उपचारका लागि पनि अस्पताल बाटै बाहिर रिफर गर्दिने हुनाले अहिले उपचारका लागि गोरखा अस्पतालमा नगई सिधै चितवन काठमाण्डौ लैजाने गरेको एम्बुलेन्स चालकहरु बताउँछन । एक सेवाग्राहीका अनुसार सामान्य हातखुट्टा ह्(च्ब्थ् का लागि पनि बाहिर मेडिकल नै जानुपर्ने बाध्यता रहेको थियो । अपे्रसनको त कुरै नगरौँ ।
आर्थिक अवस्था सक्षम अथवा खर्च गर्न सक्ने र सदरमुकाम नजिकका सेवाग्राहीका लागि सहज थियो नै तर गोरखाका टाढा – टाढा बाट गोरखा अस्पताल आउने आर्थिक अवस्था कमजोर रहेका सेवाग्राहीलाई भने त्यति सहज थिएन । गाउँबाट गोरखा अस्पताल धेरै झनजट मा लेराउन पर्ने र उपचारका साधन तथा डाक्टरको कमीले गर्दा चितवन काठमाण्डौ लैजान पर्ने बाध्यता थियो । एक सेवाग्राहीका अनुसार गोरखा जिल्ला अस्पताल भन्दा बाहिरको मेडिकलमा नै सेवा सुविधा धेरै छ । कीन आउनु अस्पताल लाईन मात्र बस्न ?
गोरखा अस्पतालको नयाँ भवन निर्माण सँगै बर्तमान समयमा भने गोरखा अस्पतालले धमाधम सेवामा स्तर उन्नति गर्दै गएको छ ।
अस्पतालबाट ठुलै स्तरमा सेवा सुविधा दिनका लागि सुरुवातिमा नै २०७९ भाद्र ७ गते मंगलबारका दीन एकजना विरामीको हेमोडायलासिस गरेर सेवा सुरु गरिएको थियो । पहिलो पटक मृगौलाको डायलासिस, अन्य अस्पतालमा गराएका र निरन्तर सेवा लिनुपर्नेका लागि अस्पतालमा नै डायलासिस सेवा सुरु भएको थियो । उक्त सेवा अस्पतालले निशुल्क दिएको छ ।
त्यसै गरी अस्पतालले २०७९ भाद्र १६ गते विहीबारका दीन थाइराइड परीक्षण सेवा पनि सुरु गरेको थियो । थाइराइड हर्मोन परीक्षणका लागि चितवन, काठमाण्डौ जानपर्ने बाध्यतालाई पनि अस्पतालले छुटकारा दिएको थियो । तत्कालका लागि अस्पतालले हप्तामा मंगलबार र शुक्रबार गरी २ दिन मात्र थाइराइड परीक्षण गर्ने गरेको छ । उक्त सेवाका लागि गोरखा अस्पतालले अन्य अस्पताल भन्दा सुपथ रहेको दावी गर्दै थाइराइड परीक्षणको शुल्क रु नौ सय निर्धारण गरेको छ ।
साथै २०७९ भाद्र १७ गते शुक्रबार पनि गोरखा अस्पतालले थप सेवा प्रदान गर्न हाडजोर्नी सम्बन्धि समस्या तथा नसा सम्बन्धि समस्याको परिक्षण र उपचार सेवा थप गरेको छ । हाडजोर्नी तथा नसा सम्बन्धि उपचारका लागि जिल्ला बाहिर जानपर्ने बाध्यता अहिले हटेको छ् ।
साथै अस्पतालले विरामी, घाइते तथा सुत्केरीको शल्यक्रियाको सुविधामा पनि विकास गरेको छ । अस्पताले अहिले एकै चोटी दई जना विरामी, घाइते अथवा सुत्केरीको शल्यक्रिया गर्न सक्ने दुईजना जनरल सर्जन र एनेस्थेसियोलोजिस्ट जनशक्तिको विकास गरेको छ ।
शल्यक्रिया गर्नुपर्ने विरामी, घाईते तथा सुत्केरीलाई जिल्ला बाहिर पठाउनुपर्ने बाध्यतालाई अहिले अस्पतालमा नै सम्भव गरेको छ ।
गोरखा अस्पतालमा रहेको शवगृहमा मर्चुरी च्याम्बर पनि सञ्चालनको तयारी गरिएको अस्पतालले जनाएको छ । ‘शवलाई लामो समयसम्म चिस्यान गराई राख्नका लागि मर्चुरी च्याम्बर पनि अबको एकदुई दिनमै सञ्चालन गर्दैछौँ’, सूचना अधिकारी ढकालले भने, ‘स्रोत साधन तयार छ । अस्पताल सञ्चालक समितिले अब कसरी सञ्चालन गर्ने भनेर मोडालिटी वनाउँदै छ ।
